قازاق قىزى قىتاي كينوسىنا ءتۇسىپ جاتىر
بۇل تۋرالى ن ت ك ارناسىنىڭ «رەۆيۋ» باعدارلاماسى حابارلايدى.
ارۋجان قازىرگى ۋاقىتتا قىتايلىق كومپوزيتور شي شينحاي جايلى تاسپالانىپ جاتقان تاريحي فيلمنەن ءرول بۇيىرعانىن جەتكىزدى. قىتايلىق ونەرپاز جايلى بولعانىمەن، كينوكارتينا الماتىدا ءتۇسىرىلىپ جاتقان كورىنەدى.
«سوعىس جىلدارى ول كەزدەيسوق الماتىعا، قازاقستاندىق قايراتكەر، ديريجەر باقىتجان بايقاداموۆتىڭ وتباسىنا تاپ بولادى. ول ءبىراز ۋاقىت ءبىزدىڭ ەلىمىزدە ءومىر ءسۇرىپ، شىعارماشىلىقپەن اينالىسقان. مەن شي شينحاي ۇيىندە تۇرعان باقىتجان بايقاداموۆتىڭ اپكەسىن وينايمىن»، - دەيدى ارۋجان.
ءتۇسىرىلىم توبى الماتىدان كەيىن ماسكەۋگە، ارتىنشا قىتايعا اتتانباق. ال كينوپروكاتقا كەلەر جىلدىڭ شىلدە ايىندا شىعادى.
«بۇل ءفيلمدى 600 ميلليون كورەرمەن تاماشالايدى. رەجيسسەرمەن ىمداسىپ تۇسىنىسەمىز، سەبەبى ول اعىلشىنشا دا، ورىسشا دا بىلمەيدى، ال مەن قىتايشا تۇسىنبەيمىن. وكىنىشكە قاراي، قىتايلىق پروديۋسەرلەردىڭ ساياساتىنا سايكەس، بارلىعى قۇپيادا قالادى. ءبىز، ءتىپتى، الەۋمەتتىك جەلىگە سۋرەت جۇكتەي المايمىز»، - دەپ ءبولىستى جازىلبەكوۆا.
