پسيحواناليتيك: ءبىر كەزدەرى ستالين مەن گيتلەر دە ديماش سياقتى تانىلعان ەدى
بۇل تۋرالى caravan.kz باسىلىمى جازدى.
ءاربىر شوۋ بيزنەس وكىلىنىڭ وزىندىك تىڭدارماندارى بار. ءبىراق، وكىنىشكە وراي، ولاردىڭ بارلىعى سانالى دەپ ايتا المايمىز. وسى سوزىمىزگە قازاقستاندىق ءانشى ديماش قۇدايبەرگەننىڭ جانكۇيەرلەرى مىسال بولا الادى. قىتايلىقتار ديماشتىڭ بەتىنەن سۇيگەن قازاق قىزىنا قىسىم كورسەتىپ ءجۇر. ءتىپتى، «ديماشقا ەشكىم تيىسپەسىن» دەگەن باستامامەن قول جيناعان بولاتىن.
- ادامدار نە سەبەپتى بۇلاي انشىگە ەسسىز جانكۇيەر بولا الادى؟
- ادامعا ءاردايىم يدەال قاجەت. سەبەبى، ادامدار مىنا الەمدە تازالىق پەن جارىق ساۋلەنىڭ بولعانىن قالايدى. ءبىراق، فاناتيزم - بۇل كىشىگىرىم، كەيدە ۇلكەن پسيحولوگيالىق اۋرۋ. بىرەۋلەر دىنگە، ەكىنشىلەرى فۋتبولعا، ۇشىنشىلەرى جۇلدىزدارعا جانكۇيەرلىك ەتەمىز دەپ ءجۇرىپ ناشاقور، ماسكۇنەم بولىپ كەتەدى.
- ياعني مۇنى، راسىمەن دە، پسيحولوگيالىق اۋىتقۋ دەپ ويلاۋىمىز كەرەك پە؟
- ارينە، بۇل بەلگىلى ءبىر دارەجەدەگى پسيحولوگيالىق اۋىتقۋ. مەنىڭ ولارعا جانىم اشيدى. سەبەبى، ولار شىنايى ءومىردىڭ نە ەكەنىن ۇمىتىپ بارادى. ءىس ناسىرعا شاپسا، جىندىحاناعا جاتۋلارى دا مۇمكىن. ديماش جوق بولسا، تاماق تا ىشپەي قويۋلارى عاجاپ ەمەس. ەۋروپادا مۇنداي جاعدايلار كوپ كەزدەسەدى.
- جەكە پراكتيكاڭىزدا فاناتيزمگە بايلانىستى جاعدايمەن كەزدەسكەن بە ەدىڭىز؟
- مۇنداي جاعدايلار بولدى. ءبىراق، تىم اۋىر ەمەس. مەنىڭ نەگىزگى اۋديتوريام - ايەلدەر. اراسىندا برەد پيتتىڭ باسى بوس بولماعاندىقتان، وتباسىن قۇرا الماي جۇرگەندەر دە بولعان ەدى. وسىنداي قىزداردىڭ ءبىرى سۇيىكتىسىمەن كەزدەسۋ ءۇشىن لوس-اندجەلەسكە كەتكەن.
- ديماش تەك قىتايعا بارعالى تانىمالدىلىققا يە بولدى. مۇنىڭ سەبەبى نەدە؟
- وتانىندا جولى بولمادى. تەك قىتايلىقتار باعالاعان ەدى، بىزدىكىلەر دە وعان قارايلاي باستادى. بۇرىن ول تۋرالى قازاقستاندىقتاردىڭ ويى باسقا بولاتىن.
- وسى سەكىلدى جاعدايلار كەزدەسكەن ەدى. دەنيس تەن مەن ءسابينا التىنبەكوۆانىڭ جانكۇيەرلەرىنىڭ سانى كۇن ساناپ وسكەن بولاتىن. بۇل نە دەگەن فەنومەن؟
- بۇل جەردە باستى ءرولدى قىتاي مەن جاپونيا حالقى ويناپ وتىر. ميلليارد ادام مەن باقىتسىز 10 ميلليون ادامنىڭ اراسىندا ۇلكەن ايىرماشىلىق بار. جارناماعا وڭتايلى. ونىڭ ۇستىنە بۇل مەملەكەتتەردىڭ اتى الەمگە ايگىلى بولعاندىقتان، ءبىز ولارعا تومەننەن قارايمىز.
- ياعني مۇنى جاپپاي قۇبىلىس دەپ اتاۋعا بولا ما؟
- ديماش، قاجەت ۋاقىتتا، قاجەت جەردە، قاجەت داۋسىمەن تابىلا ءبىلدى. پسيحواناليزدە «قاجەت بولعاندا، قاجەتتى ءسوز ايتىلۋى كەرەك» دەگەن ەرەجە بار. ءبىر كەزدەرى ءدال وسىلاي گيتلەر مەن ستالين دە تانىلعان بولاتىن.
