مەملەكەتتىك ءتىلدى بىلمەگەن اكىم جازالاندى

استانا. قازاقپارات - لاتۆيانىڭ مەملەكەتتىك ءتىل ورتالىعى داۋگاۆپيل قالاسىنىڭ مەرى ريحاردس ەيگيمسكە لاتىش ءتىلىن ءوز دەڭگەيىندە بىلمەگەنى ءۇشىن ايىپپۇل سالدى.

ءتىل بىلمەيدى دەگەن ءتورت بىردەي ارىزدان سوڭ تىلدەر ورتالىعى ەيگيمسكە قاتىستى ءىس قوزعاپ، ارتىنشا ايىپپۇل سالعان. ونىمەن قويماي داۋگاۆپيل قالاسىنىڭ مەرى الداعى التى اي ىشىندە مەملەكەتتىك ءتىلدى مەڭگەرۋگە مىندەتتەلدى.

لاتۆيانىڭ مەملەكەتتىك ءتىل ورتالىعى لاتىش ءتىلىنىڭ كەڭىنەن قولدانۋىن تالاپ ەتەدى. بۇل وقيعانىڭ الدىندا ورتالىق ريگا قالاسىنىڭ اكىمىنە بەيرەسمي كەزدەسۋ بارىسىندا ورىس تىلىندە سويلەگەنى ءۇشىن ايىپپۇل سالعان بولاتىن. الايدا نيل ۋشاكوۆ اتالمىش زاڭنىڭ رەسمي كەزدەسۋلەرگە عانا قاتىسى بارىن دالەلدەپ، اقتالىپ شىققان.

 

دەرەككوز: www.kp.ru