قازاقستان مەن وزبەكستان ىشكى ىستەر مينيسترلىكتەرىنىڭ بىرلەسكەن كەڭەسى ءوتتى
پوليتسيا گەنەرال-لەيتەنانتى مارات دەمەۋوۆتىڭ جانە ءو ر ىشكى ىستەر ءمينيسترىنىڭ ءبىرىنشى ورىنباسارى، پوليتسيا گەنەرال-مايورى داۆرون نازارمۇحامەدوۆتىڭ توراعالىعىمەن قازاقستان رەسپۋبليكاسى مەن وزبەكستان رەسپۋبليكاسى ىشكى ىستەر مينيسترلىكتەرىنىڭ بىرلەسكەن كەڭەسى ءوتتى، دەپ حابارلايدى اتالعان ۆەدومستۆونىڭ باسپا ءسوز قىزمەتى.
كەزدەسۋگە ەكى مەملەكەتتىڭ ىشكى ىستەر مينيسترلىكتەرىنىڭ ورتالىق اپپاراتتارى جەدەل بولىنىستەرىنىڭ باسشىلارى قاتىستى.
ءىس-شارا بارىسىندا جەدەل بولىنىستەردىڭ ەكى جاقتى ىنتىماقتاستىعى، ونىڭ ىشىندە شەكارالاس وڭىرلەردەگى ىنتىماقتاستىقتىڭ پەرسپەكتيۆالارى جانە باسىم ماسەلەلەرى تالقىلاندى.
سونىمەن قاتار، دەلەگاتسيا باسشىلارى بىرلەسكەن ۇيىمداستىرۋشىلىق جانە پراكتيكالىق شارالاردى كوزدەيتىن قازاقستان ءى ءى م جانە وزبەكستان ءى ءى م بىرلەسكەن كەڭەسىنىڭ حاتتاماسىنا قول قويدى.
ءىس-شارانىڭ قورىتىندىسى بويىنشا قازاقستان مەن وزبەكستان ىشكى ىستەر مينيسترلىكتەرىنىڭ جۇمىس كەزدەسۋلەرىن وتكىزۋ تۋرالى ۋاعدالاستىققا قول جەتكىزىلدى. ساپار بارىسىندا وزبەكستاننىڭ ىشكى ىستەر ءمينيسترىنىڭ ءبىرىنشى ورىنباسارى داۆرون نازارمۇحامەدوۆتى ىشكى ىستەر ءمينيسترى قالمۇحانبەت قاسىموۆ قابىلدادى.
