قازاقستاننىڭ كەي جەرلەرىندە تۇمان ءتۇسىپ، كوكتايعاق بولادى

استانا. قازاقپارات - بۇگىن اتموسفەرالىق فرونتتاردىڭ وتۋىنە بايلانىستى قازاقستاننىڭ شىعىسىندا، تۇندە سولتۇستىكتە جانە ورتالىقتا جاۋىن- شاشىن ساقتالادى.

رەسپۋبليكانىڭ باسقا تەرريتورياسىندا جاۋىن-شاشىنسىز اۋا رايى كۇتىلەدى. كەي جەرلەردە تۇمان، كوكتايعاق بولىپ، جەل كۇشەيەدى، سولتۇستىكتە بۇرقاسىن بولادى.

بۇل تۋرالى ق ر ءى ءى م ت ج ك باسپا ءسوز قىزمەتى حابارلايدى.

اقمولا وبلىسىندا تۇندە كەي جەرلەردە بۇرقاسىن، كوكتايعاق، تۇمان بولادى.

سولتۇستىك قازاقستان، قاراعاندى وبلىستارىندا تۇندە جانە تاڭەرتەڭ كەي جەرلەردە كوكتايعاق، تۇمان بولىپ، جەلدىڭ جىلدامدىعى 15-20 م/س- عا دەيىن جەتەدى.

الماتى وبلىسىندا تۇندە كەي جەرلەردە تۇمان تۇسەدى، جەلدىڭ كۇشى 15-20 م/س- عا جەتەدى.

وڭتۇستىك قازاقستان، كۇندىز جامبىل، قىزىلوردا، ماڭعىستاۋ، اتىراۋ وبلىستارىنىڭ كەي جەرلەرىندە جەلدىڭ كۇشى 15-20 م/س- عا جەتەدى.

قىزىلوردا وبلىسىندا شاڭدى داۋىل سوعادى.

باتىس- قازاقستان وبلىسىنىڭ كەي جەرلەرىندە تۇندە جانە تاڭەرتەڭ تۇمان، كۇندىز جەلدىڭ كۇشى 15-20 م/س- عا جەتەدى.

قوستاناي، پاۆلودار وبلىستارىنىڭ كەي جەرلەرىندە تۇمان كۇتىلەدى.