الماتى وبلىسىنىڭ پوليتسەيلەرى قۇرمەتكە بولەندى
بۇعان دەيىن 5 -قازان «قىلمىستىق ىزدەستىرۋ قىزمەتى» كۇنى بولىپ اتالىپ وتەتىن. بيىل بۇل قىزمەتكە 99 جىل تولدى، دەپ حابارلايدى قازاقپارات ءتىلشىسى.
وسىعان وراي وسى سالانىڭ ماماندارى بۇرىنعى ءداستۇر بويىنشا وزدەرىنىڭ كاسىبي مەرەكەلەرىن ەسكە ءتۇسىرىپ، ءىس-شارا وتكىزدى. پوليتسيانىڭ جەدەل قىزمەتتەرىنىڭ ەڭ ۇزدىك ءىز كەسۋشىلەرى 9 ايدىڭ قورىتىندىسى بويىنشا ىشكى ىستەر ءمينيسترى جانە وبلىستىق ىشكى ىستەر دەپارتامەنتىنىڭ باسشىلىعى تاراپىنان ماراپاتتالدى.
جەدەل قىزمەتىندە جەتىستىكتەرگە قول جەتكىزگەنى ءۇشىن ءى ءى د كريمينالدى پوليتسيا باسقارماسىنىڭ باستىعى پوليتسيا پولكوۆنيگى اسقار نۇرساپا «قۇقىق ءتارتىبىن قامتاماسىز ەتۋگە قوسقان ۇلەسى ءۇشىن» مەدالىمەن ماراپاتتالدى. ونىڭ ارىپتەسى ۇيىمداسقان قىلمىسقا قارسى كۇرەس باسقارماسىنىڭ باستىعى ەلدار ابديكەنوۆ قازاقستان رەسپۋبليكاسى ىشكى ىستەر ءمينيسترىنىڭ گراموتاسىن الدى.
وبلىستىڭ قالالىق، اۋداندىق بولىنىستەرى جەدەل قىزمەتتەرىنىڭ 120 عا جۋىق قىزمەتكەرى گراموتالار، العىس حاتتار جانە اقشالاي سىياقىلارمەن ماراپاتتالدى.
ايتا كەتۋ كەرەك، بيىل وبلىستىڭ جەدەل قىزمەت قىزمەتكەرلەرى وزدەرىنىڭ ارىپتەستەرىمەن بىرلەسە 10 مىڭنان استام ءتۇرلى قىلمىستاردى اشتى.
