قانات يسلام ارگەنتينالىق بوكسشىمەن جۇدىرىقتاسۋى مۇمكىن
بۇل تۋرالى Vesti.kz پورتالىنا لاتىنامەريكالىق جۋرناليست جانە سپورت كوممەنتاتورى ارماندو مەندەز ايتتى. - ماعان قانات يسلام كەلەسى قارسىلاسى رەتىندە ارگەنتينالىق برايان كاستانو قاراستىرىپ جاتقانى بەلگىلى بولدى. جەكپە- جەك لاس- ۆەگاس قالاسىندا ءوتۋى مۇمكىن. قازىر كەلىسسوزدەر باستاپقى عانا كەزەڭدە ءوتىپ جاتىر، - دەيدى مەندوزا.
ايتا كەتەيىك، 28 جاستاعى برايان كاستانو WBA رەيتينگىندە قانات يسلامنان ءبىر ساتى جوعارى تۇر. وزگە ۇيىمداردىڭ رەيتينگىندە وتانداسىمىزدان تومەن ورنالاسقان. برايان كاستانو سوڭعى كەزدەسۋىن 1 - شىلدە كۇنى فرانسيا ەلىندە وتكىزىپ، جەرگىلىكتى بوكسشى ميشەل سورونى (30-2-1, 20 KO) تورەشىلەر شەشىمى بويىنشا جەڭگەن. قانات يسلام ونەر كورسەتەتىن ءبىرىنشى ورتا سالماقتا قازىر سۋپەرچەمپيون اتاعى كۋبالىق ەريسلاندي لاراعا (24-2-2, 14 KO) تيەسىلى بولسا، WBA بەلبەۋى امەريكالىق دەمەتريۋس اندرادە (24-0, 16 KO) ەنشىسىندە. ەسكە سالايىق، قانات يسلام سوڭعى كەزدەسۋىن 9 - قىركۇيەك كۇنى استانادا وتكىزىپ، جەڭىلىپ كورمەگەن كانادالىق برەندون كۋكتى (18-1, 11 كو) توعىزىنشى راۋندتا نوكاۋتپەن جەڭگەن بولاتىن.
Massaget.kz
