اليك شپەكبايەۆ: تۇرمە باستىقتارى كوبىندە سوتتالعاندارعا جاعداي جاساعانى ءۇشىن ءىستى بولادى
دەپ حابارلايدى «قازاقپارات» ح ا ا ءتىلشىسى.
«سوڭعى 3 جىلدا قىلمىستىق- اتقارۋ جۇيەسىندە سىبايلاس جەمقورلىققا قاتىستى 40 قىلمىستىق ءىس قوزعالىپ، 38 ادامنىڭ ءىسى سوتقا بەرىلدى. زاڭ الدىندا ءبارى تەڭ دەگەن قاعيداتتى ۇستانا وتىرىپ، قاتارداعى قىزمەتكەرلەردەن باستاپ، زاڭ بۇزعان جەتەكشىلەر دە جاۋاپتان جالتارعان جوق. وسى ارالىقتا تۇرمەنىڭ 11 باستىعى مەن ولاردىڭ ورىنباسارلارى قىلمىستىق جاۋاپتىلىققا تارتىلعان. ماسەلەن، جامبىل وبلىسىنىڭ قىلمىستىق- اتقارۋ دەپارتامەنتىنىڭ باستىعى سوتتالۋشىعا جازاسىن وتەۋ ورنىندا جايلى جاعداي جاساپ بەرگەنى ءۇشىن سوتتالدى»، - دەيدى اليك شپەكبايەۆ استانادا وتكەن «تۇرمەلەردى ءتيىمدى باسقارۋ: باس بوستاندىعىنان ايىرۋ ورىندارىندا سىبايلاس جەمقورلىقتى جويۋ» ۇلتتىق جينالىسىندا.
اگەنتتىك ءتوراعاسىنىڭ ورىنباسارىنىڭ ايتۋىنشا، دەپارتامەنتتىڭ بۇرىنعى باسشىسى كولونيا باستىقتارىنان اقشا الىپ وتىرعانى ءۇشىن 8 جىلعا سوتتالىپ، مۇلكى تاركىلەنگەن. پولكوۆنيك شەنىنەن ايىرىلعان.
«تالداۋ جۇمىستارى تۇرمە باستىقتارىنىڭ سوتتالعاندارعا جايلى جاعداي جاساۋى سەبەبىنەن جاۋاپقا تارتىلاتىندارىن انىقتاپ وتىر. مىسالدار كوپ. ماسەلەن، ش ق و- دا تۇرمە باستىعى سوتتالعان ادامنىڭ جازاسىن جەڭىلدەتۋ ءۇشىن 260 مىڭ تەڭگەلىك تەلەديدار سىيعا العان. بۇگىنگى تاڭدا زاڭ الدىندا ءبارى تەڭ ەكەنىن تاعى دا اتاپ وتكىم كەلەدى»، - دەيدى ول.
ايتا كەتەرلىگى، استانادا تۇڭعىش رەت «تۇرمەلەردى ءتيىمدى باسقارۋ: باس بوستاندىعىنان ايىرۋ ورىندارىندا سىبايلاس جەمقورلىقتى جويۋ» تاقىرىبىندا ۇلتتىق جينالىس ءوتىپ جاتىر. جيىنعا قۇزىرلى ۆەدومستۆولاردىڭ باسشىلارى، پارلامەنت ءماجىلىسىنىڭ دەپۋتاتتارى مەن ۇلى بريتانيا ەلشىلىگىنىڭ وكىلدەرى قاتىسۋدا.
اۆتور: ايان بەكەن ۇلى
