اڭىزعا اينالعان اكتەردىڭ وتكەن ومىرىندەگى قۇپيالار

استانا. قازاقپارات - بۇگىندە الەمگە ايگىلى جەكي چاننىڭ جانكۇيەرلەرى اكتەردىڭ وتكەن ءومىرى تۋرالى تولىق بىلە بەرمەيدى.

جەكي چاندى تولىق بىلەمىن دەگەن ادام مۇلدەم قاتەلەسەدى. اڭىزعا اينالعان اكتەردىڭ وتكەن ومىرىندەگى قۇپيالاردى Qamshy.kz اقپارات اگەنتتىگى وقىرمان نازارىنا ۇسىنادى.

جەكي چان 1954 -جىلى گانكونگتە دۇنيە كەلگەن. اتا- اناسىنىڭ كەدەي بولعانى سونشالىق جەكي ءۇشىن 20 فۋنت ۇسىنعان دارىگەرگە ساتىپ جىبەرمەك بولعان. 20 فۋنت تەڭگەگە شاققاندا 8 مىڭ تەڭگەدەي بولادى. سونىمەن بىرگە جەكي دۇنيەگە كەلگەن كەزدە اتا- اناسى قىتايدا رەپرەسسياعا ۇشىراعان. جەكيدىڭ اناسى قۇمار ويىندارىنىڭ اتاقتى ويىنشىسى بولسا، ال اكەسى تىڭشى ءارى قاراقشى بولىپتى.

 جەكي 7 جاسقا تولعان كەزدە اتا- اناسى اۆسترالياعا جۇمىس ىزدەۋگە كەتىپ، بالاسىن وزدەرىمەن الىپ كەتكىسى كەلمەگەن. جەكيدى پەكيندەگى وپەرا مەكتەپ- ينتەرناتىنا تاستاپ كەتىپتى. جەكيدىڭ مەكتەپ- ينتەرناتىنداعى كۇندەرى ازاپقا تولى بولاتىن. اتالعان مەكتەپتە ساباق تاڭعى 5 تە باستالىپ، ءتۇننىڭ ورتاسىندا اياقتالاتىن. ەڭ قيىنى بۇل ەمەس ەدى. مەكتەپ وقۋشىلارى كەز- كەلگەن كىشكەنتاي قاتەلىك ءۇشىن اۋىر جازا تارتاتىن.

ءبىر كۇنى جەكيدى كىشكەنتاي قاتەلىگى ءۇشىن مۇعالىمدەر قامىس تاياقپەن ۇرعان.

«مەن بۇل كۇندى ءومىر بويى ۇمىتپايمىن. ءبىر كۇنى ءمۇعالىم مەنى قامىس تاياقپەن 10 رەت ۇرعان. بۇل كەزدە جىلاۋعا دا، ارتىق قيمىلداۋعا دا، دىبىس شىعارۋعا دا بولمايدى. ارتىق قيمىل جاساساڭ 2 ەسە جازالاناسىڭ. ءيا مەن بۇل ءساتتى ەشقاشان ۇمىتپايمىن» ، - دەيدى جەكي چان.

مەكتەپ- ينتەرناتىنداعى ازاپقا تولى 10  جىلدان كەيىن جەكي اتا- اناسىنىڭ قاسىنا، اۆسترالياعا كوشەدى. كەيىن ول ءبىراز قيىندىقتان ءوتىپ اتى اڭىزعا اينالعان اكتەرگە اينالادى. الايدا ءتۇسىرىلىم كەزىندە ول كوپتەگەن اۋىر جاراقات الادى. ءبىراق اۋىر جاراقاتتارعا كىشكەنتاي كەزىنەن ەتى ۇيرەنىپ كەتكەنگە ۇقسايدى. ول قازىرگى كەزدە ءتۇرلى قايىرىمدىلىقپەن اينالىسىپ، كوپتەگەن جاندارعا جومارتتىق تانىتىپ ءجۇر.