سولتۇستىك قازاقستاندا التىن ءوندىرۋ ءبىرشاما ۇلعايدى

پەتروپاۆل. قازاقپارات - جۇمىس بابىمەن ەسىل اۋدانىنا بارعان س ق و اكىمى قۇمار اقساقالوۆ «اۋليە گولد ماينينگ» سەرىكتەستىگىنىڭ التىن ءوندىرۋ كەن ورنىندا بولدى، دەپ حابارلايدى ءوڭىر باسشىسىنىڭ باسپا ءسوز قىزمەتى.

 رەسەيلىك كومپانيا التىن ءوندىرۋدى 2015 -جىلعا قولعا الدى. وسى كۇنگە دەيىن 100 مىڭ توننادان اسا كەن ءوندىرىلدى.

الايدا ءتيىستى كورسەتكىشتەرگە قول جەتكىزىلمەگەندىكتەن ينۆەستور تەحنولوگيانى جاڭارتۋ جۇمىستارىن جۇرگىزدى. كومپانيا باسشىلىعى ءوندىرىستى 130 مىڭنان 600 مىڭ تونناعا دەيىن ءوسىرۋدى جوسپارلاپ وتىر. بۇل مەجەگە 2018 -جىلى قول جەتكىزىلەدى دەپ كۇتىلۋدە. ءوڭىر باسشىسى التىن وڭدەيتىن كاسىپورىننىڭ وبلىس ەكونوميكاسى ءۇشىن ۇلكەن ماڭىزعا يە ەكەنىن اتاپ ءوتتى. «ءوندىرىس تولىق قۋاتىنا شىققان كەزدە ءوندىرىس پروتسەسىنە 250 ادام تارتىلادى. بيۋدجەتكە 400 ميلليون تەڭگەدەن اسا قارجى قۇيىلماق. بۇل جوبانىڭ الەۋمەتتىك ماڭىزى دا بار. جۇمىسشىلاردى وسى ماڭداعى ەلدى مەكەندەردەن الۋ قاجەت»، - دەپ اتاپ ءوتتى قۇمار اقساقالوۆ.

 ايتا كەتۋ كەرەك، اتالمىش جوبا يندۋستريالاندىرۋ كارتاسىنا ەنگىزىلگەن.