مەملەكەت باسشىسى «قورقىت اتا» مەموريالدى كەشەنىن ارالاپ كوردى

استانا. قازاقپارات - قازاقستان پرەزيدەنتى  قىزىلوردا وبلىسىنا جۇمىس ساپارى بارىسىندا ايگىلى ويشىل، ۇلى قوبىزشى قورقىت اتاعا ارنالعان ساۋلەت كەشەنىن ارالاپ كوردى.

 بۇل تۋرالى اقوردانىڭ باسپا ءسوز قىزمەتى حابارلادى.

مەملەكەت باسشىسىنا مەموريالدى كەشەندە جۇرگىزىلگەن جوندەۋ جۇمىستارىنىڭ ناتيجەسى جونىندە باياندالدى. مۇندا سالتاناتتى ءىس- شارالار وتكىزەتىن الاڭ جاسالىپ، ورتالىق اللەيادا جاياۋ جۇرگىنشىلەرگە ارنالعان قوسىمشا جول سالىنعان، سونداي- اق مونۋمەنت ماڭى اباتتاندىرىلعان.

نۇرسۇلتان نازاربايەۆ جاڭا اكىمشىلىك عيماراتتى جانە «قاسيەتتى ارقار» اتتى ءمۇسىندى كوردى.

 بۇدان بولەك، ەلباسى كەشەندەگى مۋزەيدە قورقىت اتانىڭ ءومىرى مەن مۇراسىنا ارنالعان سيرەك ەكسپوناتتارمەن تانىستى.