الماتى اكىمدىگى كوكجايلاۋ كۋرورتى قۇرىلىسىنا قارجىگەر ىزدەپ جاتىر

 الماتى. قازاقپارات - الماتى اكىمدىگى كوكجايلاۋ كۋرورتى قۇرىلىسىنا ينۆەستور ىزدەپ جاتىر، دەپ حابارلايدى قازاقپارات ءتىلشىسى.

 اكىم ورىنباسارى الماس ماديەۆ كوكجايلاۋ كۋرورتى قۇرىلىسى جوباسىنىڭ قالاي جۇزەگە اسىپ جاتقانىن ايتتى. «قازىر كۋرورتتىڭ تەحنيكالىق ەكونوميكالىق نەگىزدەمەسى جاسالىپ جاتىر. قۇجاتتا ءوڭىردىڭ كليماتتىق تابيعي جاعدايى ەسكەرىلەدى. قازىر كوممۋنيكاتسيا مەن ينفراقۇرىلىم جەلىلەرى جۇرگىزىلىپ جاتىر» ، - دەدى ا. مادييەۆ الماتىدا ءوتىپ جاتقان 5-ينۆەستفورۋم بارىسىندا.

ونىڭ ايتۋىنشا، بۇل جوبانىڭ قۇنى وتە جوعارى بولماق. «قازىر كوكجايلاۋ جوباسىن ينۆەستورلارمەن تالقىلاپ جاتىرمىز. ونىڭ ىشىندە ەۋرازيالىق دامۋ جانە قايتا قۇرۋ بانكى بار. بۇل جوبا ءبىز ءۇشىن وتە ماڭىزدى. سەبەبى، قالانىڭ تۋريستىك الەۋەتىنە ۇلكەن سەرپىن بەرەدى» ، - دەدى ول.

«تۋريزم - قارقىندى دامىپ كەلە جاتقان سالا. تاۋ شاڭعىسى ءتۋريزمى جاعاجاي تۋريزمىنەن 5 ەسە ارتىق تابىس اكەلەدى. جاڭا جۇمىس ورىندارى قۇرىلادى. ونى دامىتۋ ءۇشىن تازا اۋا كەرەك. ەكولوگيالىق احۋالدى جاقسارتۋ ءۇشىن بارىنشا جاعداي جاساپ جاتىرمىز. قالادا تۇراقتى كولىك جۇيەسى قالىپتاستى» ، - دەدى باۋىرجان بايبەك.

اۆتور: گۇلميرا عوسمانالي