زيراتقا قويىلعان گۇلدەردى جىمقىرىپ، قايتا ساتاتىن ۇرى ۇستالدى
«ءوز اۋماعىن تەكسەرىپ جۇرگەن كۇزەتشى زيرات ماڭىندا بەيمەزگىل ۋاقىتتا ۆاز-2109 اۆتوكولىگىن كورىپ، ءتارتىپ ساقشىلارىن شاقىرعان. بۇل دابىلدى ءتارتىپ ساقشىلارى بۇرىننان كۇتكەن ەدى. سەبەبى، گۇلدەستەلەردىڭ (ۆەنوك) جوعالاتىنى تۋرالى ارىزدار جازدان بەرى ءتۇسىپ كەلگەن.
گۇلدەستەلەرى قايتا ساۋداعا شىعارىلاتىنى تۋرالى نۇسقا بار ەدى. كۇدىكتى ۇستالعان ۋاقىتتا «ءبارى قوقىستا جاتتى، مەن ۇرلاعان جوقپىن» دەگەن ءۋاج ايتتى. الايدا كولىكتەگى جاڭا گۇلدەستەلەردىڭ نەلىكتەن جينالعانىن ءتۇسىندىرىپ بەرە المادى»، - دەپ حابارلايدى ۆەدومستۆودان.
كۇدىكتىنىڭ «بيزنەسىنىڭ» ءمان-جايىن ءتارتىپ ساقشىلارى انىقتاپ جاتىر. قازىرگى ۋاقىتتا اتالعان فاكت بويىنشا ق ر ق ك- ءنىڭ 188-بابى 1-بولىگى بويىنشا (ۇرلىق) قىلمىستىق ءىس قوزعالعان. كۇدىكتىنىڭ كىناسى دالەلدەنسە، ول 3 جىلعا دەيىن باس بوستاندىعىنان ايىرىلۋى مۇمكىن.
اۆتور: ايان بەكەن ۇلى
