اسپاننان ادام جاۋدى: ادامزات تاريحىندا اسپاننان جاۋعان جانتۇرشىگەرلىك دۇنيەلەر - فوتو
NUR. KZ پورتالى ادامزات تاريحىندا اسپاننان جاۋعان ەڭ جانتۇرشىگەرلىك دۇنيەلەردى funny24.ru سايتىنا سىلتەمە جاساپ نازارلارىڭىزعا ۇسىنادى.
ورمەكشىلەر
اسپاننان ورمەكشى جاۋسا، بۇل ادەتتەگى تابيعي قۇبىلىس. سوڭعى بەس جىلدا كەمىندە ەكى ەلدە مۇنداي جاعداي تىركەلگەن بولاتىن. برازيليادا (2013-جىلدىڭ اقپانى) جانە اۆستراليادا (2015-جىلدىڭ مامىرى).
باقالار
باقالار ادەتتە داۋىل ءجيى تۇراتىن ەلدەردە جاۋادى. سەبەبى داۋىل باتپاقتى وڭىردەگى بارلىق باقانى اسپانعا كوتەرىپ، كەيىن ادامداردىڭ ۇستىنە جاۋدىرادى.
قۇرتتار
شوتلانديادا 2011-جىلى فۋتبول ويناپ جۇرگەن ستۋدەنتتەردىڭ ۇستىنە قۇرت جاۋعان. عالىمدار بۇل قۇبىلىستى وعاش دەپ اتاپ، ناقتى تۇسىنىكتەمە بەرە المادى.
قاندى جاۋىن
2008-جىلى كولۋمبيانىڭ كىشىگىرىم قالاسىندا اسپاننان قاندى جاۋىن سەبەلەدى. قىپ-قىزىل بەلگىسىز سۇيىقتىقتىڭ نەندەي سەبەپپەن جاۋعانى ءالى كۇنگە دەيىن قۇپيا بولىپ قالۋدا.
ەت
1876-جىلى كەنتۋككي شتاتىنىڭ وليمپيا سپرينگس قالاسىندا ادامداردىڭ ۇستىنە قوي مەن ەلىكتىڭ ەتى جاۋا باستادى. كەيىن بۇعان اسپاننان ۇشىپ وتكەن جىرتقىش قۇستار سەبەپشى بولعانى انىقتالدى.
تەننيس دوبى
1969-جىلى فلوريدادا اسپاننان تەننيس دوبى جاۋدى. ونى تەننيس الاڭىنان داۋىل كوتەرىپ، ادامداردىڭ ۇستىنە جاۋدىرعان ەكەن.
ادام
سان-ديەگودا اسپاننان ادام ءمايىتى جاۋعاندا، تۇرعىنداردىڭ زارە قۇتى ۇشقان. بەلگىلى بولعانداي 1978-جىلى بولعان بۇل جايتقا ۇشاق اپاتى سەبەپ ەكەن. ەكى ۇشاق سوقتىعىسقاننان كەيىن سالونداعى جولاۋشىلار جەردەگى تۇرعىنداردىڭ ۇستىنە شاشىلعان. ۇشاق اپاتىنان بارلىعى 144 ادام مەرت بولدى.
سيىرلار
1997-جىلى جاپون تەڭىزىندە كەمەسى اپاتقا ۇشىراعان بالىقشىلاردى قۇتقارۋعا تۋرا كەلدى. ولاردىڭ كەمەسى اسپاننان سيىر جاۋعاننىڭ كەسىرىنەن سۋعا كەتكەن ەكەن. بۇل جايتقا رەسەي ۇشقىشىنىڭ بەلگىسىز سەبەپتەرمەن ۇشاق بورتىنان جەرگە سيىردى لاقتىرىپ جىبەرۋى سەبەپ بولعانى انىقتالدى.
اقشا
1957-جىلى فرانسيانىڭ بۋرج اۋىلىندا تۇرعىنداردىڭ ۇستىنە اقشا جاۋدى. بۇل جايت 1975-جىلى چيكاگودا دا قايتالانعان. ونىڭ سەبەبى سول كۇيى انىقتالمادى.
ادامداردىڭ قاتقان ءناجىسى
2008-جىلى مەريەن ليكنەس قالاسىندا تۇرعىننىڭ ۇستىنە قاتقان ادام ناجىستەرى جاۋىپ، ونىڭ ءۇيىنىڭ شاتىرىنان باستاپ، تەرەزەسىنە دەيىن شاعىپ تاستاعان.
بەلگىلى بولعانداي، ءناجىس ايەلدىڭ ءۇيىنىڭ ۇستىنەن ۇشىپ وتكەن ۇشاقتان شاشىلعان ەكەن.
