استانانىڭ مەرەيتويى ءبىر جىل بويى تويلانباق

استانا. قازاقپارات - ەل استاناسىنىڭ 20- تۋعان كۇنىن اتاپ ءوتۋ كونسەپتسياسى بەكىتىلدى. استانانىڭ تۋعان كۇنىنە ارنالعان ءىس-شارالار جيىنتىعى «ەل جۇرەگى - استانا» اتاۋىن يەلەندى.

كونسەپسياعا سايكەس، تۋعان كۇندى تويلاۋ ءۇش كەزەڭنەن تۇرادى: دايىندىق كەزەڭى - 2017 -جىلدىڭ 10 -جەلتوقسانىنا دەيىن، نەگىزگى كەزەڭ - 2017 -جىلدىڭ 10 -جەلتوقسانىنان 2018 -جىلدىڭ 6 -شىلدەسىنە دەيىن، مەرەكەدەن كەيىنگى كەزەڭ - 2018 -جىلدىڭ 6 -شىلدەسىنەن 31 -جەلتوقسانىنا دەيىن.

وسىلايشا استانانىڭ تۋعان كۇنى ءبىر جىل بويى تويلانباق.

مەرەيتويدى ۇيىمداستىرۋعا ارنايى كوميسسيا قۇرىلىپ، ونىڭ ءتوراعاسى بولىپ ادىلبەك جاقسىبەكوۆ سايلانعان.