اتى شۋلى توقتار تولەشوۆ ءىسىنىڭ ەكى فيگۋرانتىنا ۇكىم وقىلدى

شىمكەنت. قازاقپارات - شىمكەنت قالاسىنىڭ ەڭبەكشى اۋداندىق سوتى «سىرا كورولىنىڭ» بۇرىنعى سىبايلاستارىنا ۇكىم شىعاردى.

مەملەكەتتىك كىرىستەر باسقارماسىنىڭ بۇرىنعى قىزمەتكەرى 35 جاستاعى ماديار مۇسايەۆ 3 جىلعا باس بوستاندىعىنان ايىرىلدى، ال سىرا زاۋىتىنىڭ بۇرىنعى باس ەسەپشىسى سۆەتلانا لۋكيناعا 4 جىلعا باس بوستاندىعىنان ايىرۋ جازاسى بەلگىلەندى، دەپ حابارلايدى «قازاقپارات» ح ا ا ءتىلشىسى ەڭبەكشى اۋداندىق سوتىنىڭ ب ا ق-پەن جۇمىس جونىندەگى ۇيلەستىرۋشى سۋدياسى سۆەتلانا شىناليەۆاعا سىلتەمە جاساپ.

ەسكە سالا كەتەيىك، تولەشوۆتىڭ قولاستىندا جۇمىس ىستەگەن تاعى دا ەكى قىزمەتكەر - ولگا اللاكۋليەۆا مەن الەكسەي نوسكوۆ پروكۋرورمەن ءوز ايىپتارىن مويىنداي وتىرىپ پروتسەسسۋالدىق كەلىسىم جاساسقان ءارى قىلمىستى اشۋعا جاردەمدەسكەن بولاتىن.

ولاردىڭ ءىسى باسقا وندىرىسكە الىنعان، ولارعا قاتىستى ۇكىم جۋىق كۇندەردە شىعادى.