مەملەكەت باسشىسى اقتوبەدەگى شىعارماشىلىق اكادەمياسىنا باردى - فوتو

استانا. قازاقپارات - مەملەكەت باسشىسى اقتوبە قالاسىنداعى شىعارماشىلىق اكادەمياسىنا باردى، دەپ حابارلايدى قازاقپارات اقوردانىڭ باسپا ءسوز قىزمەتىنە سىلتەمە جاساپ.

ەلباسى بيزنەستىڭ الەۋمەتتىك جاۋاپكەرشىلىگىن دامىتۋ باعدارلاماسى ارقىلى سالىنعان شىعارماشىلىق اكادەمياسىنا باردى.

قازاقستان پرەزيدەنتىنە اكادەميانىڭ جۇمىس جوسپارى جونىندە باياندالدى. وندا ءبىر ۋاقىتتا 1000 عا جۋىق بالا عىلىمي جانە شىعارماشىلىق قىزمەتپەن اينالىسىپ، وزدەرىنىڭ اقپاراتتىق تەحنولوگيالار سالاسىنداعى قابىلەتتەرىن دامىتا الادى.

سوڭىندا وبلىس اكىمى ب. ساپاربايەۆ ءوڭىردىڭ قازىرگى كەزەڭدەگى نەگىزگى دامۋ كورسەتكىشتەرى تۋرالى ايتتى.

ايتا كەتەرلىگى، شىعارماشىلىق اكادەمياسى «قازحروم» ترانس ۇلتتىق كومپانياسى» اكسيونەرلىك قوعامىنىڭ قارجىسىنا سالىنعان. مەكەمە 6-18 جاس ارالىعىنداعى بالالار مەن جاستارعا مەكتەپتەن تىس قوسىمشا ءبىلىم بەرۋگە ارنالعان.