سينگاپۋرلىق كومپانيا اقتاۋعا ينۆەستيتسيا سالماق
«مەينحارد» - دۇنيەنىڭ تۇكپىر-تۇكپىرىندە ءزاۋلىم عيماراتتار سالعان، ءىرى جوبالارعا دەم بەرگەن ينجينيرينگتىك كومپانيا. بۇكىل الەمدە كومپانيانىڭ 45 كەڭسەسى مەن 4500 قىزمەتكەرى جۇمىس ىستەيدى. قازاقستان ەلىنىڭ الەۋەتىنە قىزىعۋشىلىق بىلدىرگەن ولار ەندى ءبىزدىڭ ەلدە 46-كەڭسەسىن اشقىسى كەلەدى. بۇل نيەتىن «مەينحارد» كومپانياسىنىڭ باسقارما ءتوراعاسى شاحزاد ناسيم ايماق باسشىسىنا جەتكىزىپ، كاسىپورىننىڭ تاريحىمەن، دامۋى جانە مۇمكىندىكتەرىمەن تانىستىرىپ، جۇزەگە اسىرعان جوبالارى - سينگاپۋر، ۇلى بريتانيا، ءۇندىستان، افريكا جانە تاعى باسقا الەم مەملەكەتتەرىنىڭ سانىنە اينالعان ەڭ بيىك عيماراتتار، اۋەجايلار، مەيمانحانا مەن ساۋدا ورىندار كەشەندەرى، ەسكەرتكىشتەر، كوپىرلەر، نىسانداردى پرەزەنتاتسيا ارقىلى كورسەتتى.
«ماڭعىستاۋ - قازاقستاننىڭ الەۋمەتتىك- ەكونوميكالىق دامۋى مەن مودەرنيزاتسياسىنا ەلەۋلى ۇلەس قوسىپ وتىرعان وڭىرلەردىڭ ءبىرى. كومىرسۋتەك شيكىزاتىنىڭ جانە باسقا دا پايدالى قازبالاردىڭ ۇلكەن قورى ايماقتىڭ دامۋىنا ۇزاق مەرزىمدى پەرسپەكتيۆالار بەرەدى. تەڭىزدىڭ بولۋى جانە ءبىزدىڭ ايماقتىڭ باي مادەني، تاريحي جانە رۋحاني مۇرالارى ءتۋريزمدى دامىتۋعا جانە حالىقارالىق ساۋدانى دامىتۋعا مۇمكىندىك بەرەدى»، - دەدى وبلىس اكىمى ەرالى توعجانوۆ.
«ءبىزدىڭ كومپانيا قازاقستاندا 2 جوبانى جۇزەگە اسىردى. ولار «ءابۋ-دابي پلازا» جانە «حان-شاتىر» ساۋدا-ويىن-ساۋىق ورتالىعىنىڭ ديزاينى. كومپانيا مەديتسينا، قورعانىس مينيسترلىگى جانە سپورت عيماراتتارى جانە «اقىلدى قالا» جۇيەسى بويىنشا جوبالاردى ازىرلەۋدە»، - دەدى شاحزاد ناسيم.
ءوڭىر باسشىسى كومپانيا وكىلدەرىنە ءتۋريزمدى دامىتۋ جوبالارىن جۇزەگە اسىرۋعا، سونداي-اق مۇناي-گاز سالاسى مەن IT- تەحنولوگيالار سالاسىنداعى كادرلار دايارلاۋعا ارنالعان وقۋ ورتالىعىن اشۋعا شاقىردى.
كەزدەسۋ سوڭىندا الەمنىڭ ەڭ بيىك، ءزاۋلىم عيماراتتارىن سالعان سينگاپۋرلىق كومپانيا وكىلدەرىنە بىرلەسىپ جۇمىس ىستەۋگە دايىن ەكەندىگىن ايتىپ، قالانىڭ ەكونوميكالىق-الەۋمەتتىك دامۋىنا ۇلەس قوساتىنىنا سەنىم ءبىلدىردى.
