اۆستراليادا مىسىقتار كۇن سايىن ميلليونداعان قۇستى ولتىرەدى
مىسىقتار پوپۋلياتسياسى مەن ولاردىڭ ديەتاسىنا ارنالعان جۇزدەگەن ايماقتىق زەرتتەۋلەردىڭ مالىمەتتەرىن جيناعان جەرگىلىكتى عالىمدار وسىنداي قورىتىندىعا كەلگەن.
جابايى مىسىقتار جىل سايىن 316 مىڭ قۇستى ولتىرەدى، قاۋىرسىندىلاردىڭ تاعى 61 ميلليونعا جۋىعى ءۇي مىسىقتارىنان اجال تابادى. مىسىقتار ولتىرەتىن قۇس تۇرلەرى 338 گە جەتەدى، بۇل جەرگىلىكتى اۆستراليالىق قۇس تۇرلەرىنىڭ جارتىسى دەگەن ءسوز. سونىڭ 71 ى جويىلىپ كەتۋدىڭ از-اق الدىندا تۇر. ماسەلەن، تۇنگى توتىقۇس ءتۇرىنىڭ جالعىز وكىلىن ادامدار 2015 -جىلى تامىزدا كورگەن. قۇستىڭ بۇعان دەيىنگى بوي كورسەتۋى سوڭعى رەت 25 جىل بۇرىن قۇجاتقا تىركەلگەن بولاتىن.
اۆستراليادا مىسىقتاردىڭ قۇستار الەمىنە تيگىزىپ وتىرعان زاردابى ەۋروپالىقتاردىڭ وسى ماتەريككە العاش كەلگەن كەزدەگى مىسىق اكەلۋىنەن باستالعان. اۋستراليا ۇكىمەتى مىسىقتارمەن كۇرەسۋگە 23 ميلليون ا ق ش دوللارىن ءبولدى. ماۋسىم ايىندا 69000 گەكتار جەردە مىسىقتاردان تازا ايماق قۇرىلدى.
