اتىراۋلىق كاسىپكەرلەر جارىمجان ايەلگە پاتەر سىيلادى

اتىراۋ. قازاقپارات - اتىراۋلىق كاسىپكەرلەر ناۋقاس ايەلگە پاتەر سىيلادى، دەپ حابارلايدى قازاقپارات.

دينارا ەرتىلەۋوۆا ەسىمدى اتىراۋلىق ايەلدىڭ جۇرەگى مەن وكپەسى ايىقپاس دەرتكە شالدىققان جانە ول تەك ترانسپلانتاتسيا جاساۋ ارقىلى عانا وڭالا الادى.

ايەل بالاسىن جالعىز ءوزى ءوسىرىپ جاتىر. ول بۇعان دەيىن پاتەر جالداپ تۇرىپ كەلگەن. 2011 -جىلدان بەرى مۇگەدەكتىگىنە بايلانىستى تۇرعىن ءۇي كەزەگىندە تۇرعان. بيىل شىلدە ايىنداعى جاعداي بويىنشا ول 4307- كەزەكتە.

دينارانىڭ اۋىر جاعدايى تۋرالى بىلگەن اتىراۋ وبلىسى كاسىپكەرلەر پالاتاسىنىڭ وڭىرلىك كەڭەسى ناۋقاس ايەلگە قالا ىشىنەن پاتەر تارتۋ ەتۋ تۋرالى شەشىم شىعارعان.

«بىزدەر، كاسىپكەرلەر، ءوزىمىزدىڭ الەۋمەتتىك جاۋاپكەرشىلىگىمىزدى سەزىنە وتىرىپ، مۇقتاج جاندارعا كومەك قولىن سوزۋعا ءتيىسپىز. سول سەبەپتى ءبىز «اتامەكەنىم» اكسياسىنا اتسالىسىپ وتىرمىز»، - دەيدى كاسىپكەرلەر پالاتاسىنىڭ وڭىرلىك كەڭەسىنىڭ باسشىسى ءاليا بەكقوجايەۆا.