قازاقستاندا تاعى ەكى راديو ارنا ەفيرگە شىعادى
«بيزنەس- FM» - نىڭ اتى ايتىپ تۇرعانداي، بارلىق جاڭالىقتار بيزنەسمەندەرگە ارنالادى. ال «بيزنەس» دەگەنىمىز نە؟ سپورت، كينو، تەلەديدار، اۋىل شارۋاشىلىعى - بۇنىڭ ءبارى بيزنەس. بىلايشا ايتقاندا، اينالاداعى ءومىردىڭ ءوزى - بيزنەس. سوندىقتان ءبىز وسى ومىردە اقشانى قالاي تاۋىپ جاتىرمىز جانە ونى قالاي جۇمسايمىز، وسى ورايدا اڭگىمە قوزعايتىن بولامىز. مۋزىكا دا بولادى. ءتىلدىڭ 50/50 قاعيداتى دا ساقتالادى. بىزدىڭشە، قازاق ءتىلىنىڭ ۇلەسى 60 پايىزعا جەتۋى ابدەن مۇمكىن. باعدارلامالارعا بەدەلدى ساراپشىلار عانا ەمەس، مەملەكەتتىك ورگانداردىڭ قىزمەتكەرلەرى دە قاتىسادى»، - دەدى «بيزنەس- FM» ج ش س ديرەكتورى ولەگ ابدۋلكابيروۆ قازاقپارات تىلشىسىنە بەرگەن سۇحباتىندا.
ونىڭ ايتۋىنشا، كومپانيانىڭ قۇرامىنا «تاماشا FM» راديوسى دا كىرەدى. ول تازا مەملەكەتتىك تىلدە بارلىق رەسپۋبليكاعا تارالاتىن بولادى. نەگىزگى ماقساتى - كوڭىل- كۇيدى كوتەرۋ. جانرى - ءازىل- سىقاق. «رەسەيدە «يۋمور - FM» دەگەن راديوارنا بار. «تاماشا FM» دا سونداي بولادى. ەفيردە ءازىل- وسپاقتاردان بولەك مۋزىكا دا بەرىلەدى. راديوقۇرىلعىلار ۋاقىتىندا جەتكىزىلسە، كەلەسى ايدىڭ اياق جاعىنا قاراي راديوارنالار ەفيرگە شىعاتىن بولادى»، - دەپ اتاپ كورسەتتى و. ابۋلكابيروۆ.
اۆتور: ارمان اسقاروۆ
