بۋرابايدا اسپالى شىنى كوپىر سالىنباق

كوكشەتاۋ. قازاقپارات - اقمولا وبلىسىنىڭ بۋراباي كۋرورتىنداعى تاۋلاردا اسپالى شىنى كوپىرى سالىنادى، دەپ حابارلايدى قازاقپارات ءتىلشىسى.

 «بۇل جوبا وبلىس اكىمى تاراپىنان قولداۋ تاۋىپ وتىر»، - دەپ ءتۇسىندىردى وبلىستىق تۋريزم باسقارماسىنىڭ «تۋريستىك اقپاراتتىق ورتالىعى» ك م م باسشىسى جانات نۇعىمانوۆ.

جوبا مەملەكەتتىك بيۋدجەت ەسەبىنەن ەمەس، جەكەمەنشىك ينۆەستيتسيا تارتۋ ارقىلى جۇزەگە اسىرىلماق. ازىرگە جوبالىق- سمەتالىق قۇجاتتارى دايىندالعان جوق. الداعى ۋاقىتتا الەۋەتتى ينۆەستور تابىلىپ جاتسا، جوبانى جۇزەگە اسىرالادى.

تۋريزم باسقارماسىنىڭ دەرەگى بويىنشا اسپالى شىنى كوپىر بۋرابايداعى بولەكتاۋ تاۋىنان تۋفەلكا شىڭىنا دەيىن ۇزىندىعى 230 مەتر قاشىقتىققا دەيىن سوزىلاتىن بولادى.

 «وسىنداي ۇزىندىعى 500-600 مەتر اسپالى كوپىرلەر قىتاي جانە جاپون ەلدەرىندە بار. سوندىقتان، ونى سالۋدا ەشقانداي قيىندىق تۋماسى انىق. بۇل وڭىرگە قوسىمشا تۋريستەردى تارتۋعا سەپتىگىن تيگىزەتىنى ءسوزسىز»، - دەدى جانات نۇعىمانوۆ.

ەسكە سالا كەتەيىك، اتالمىش جوبانى 2018 -جىلدارى جۇزەگە اسىرۋ كوزدەلىپ وتىر. قازىرگى كەزدە، جوبانى قولعا الۋعا نيەتتى ينۆەستورلاردىڭ وتىنىشتەرى قابىلدانۋدا.

اۆتور: اسلان وسپانوۆ