الەمدە ەڭ كوپ ساتىلاتىن تەلەفوندار انىقتالدى

 استانا. قازاقپارات - IHS Markit زەرتتەۋ كومپانياسى وسى جىلدىڭ العاشقى جارتىسىندا قانداي سمارتفوندار جوعارى سۇرانىسقا يە بولعانىن انىقتادى.

ەڭ كوپ سۇرانىسقا يە سمارتفونداردىڭ كوشىن iPhone 7 باستاپ تۇر. ودان كەيىنگى ورىندا - iPhone 7 Plus. وسىلايشا، Apple سمارتفوندارى كەزەكتى رەت الەمدە ەڭ كوپ ساتىلاتىن گادجەتتەر قاتارىنا كىردى.

ۇزدىك ۇشتىكتى Samsung Galaxy Grand Prime Plus تۇيىقتاعان، ال iPhone 6s جانە Galaxy S8 سمارتفوندارى، تيىسىنشە، ءتورتىنشى جانە بەسىنشى ورىنداردا. التىنشى ورىنداعى Galaxy S8+ گادجەتى دە سۇرانىسقا يە سمارتفوندار قاتارىندا.

جالپى العاشقى وندىققا Samsung-تىڭ بەس، Apple- ءدىڭ ءتورت جانە قىتايلىق وررو كومپانياسىنىڭ ءبىر سمارتفونى كىرگەن.

بۇعان قوسا، زەرتتەۋشىلەر iPhone نىڭ ىقشام ۇلگىلەرىنە سۇرانىس تومەندەگەنىن انىقتادى.

 

Baq.kz