داعىستاندى «قازاقتىڭ بالاسى» باسقاراتىن بولدى
ول داعىستاندى 2013 -جىلدىڭ قاڭتارىنان بەرى باسقارعان رامازان ابدۋلاتيپوۆتىڭ ورنىنا كەلدى.
ۆلاديمير ابدۋاليەۆيچ ۆاسيلەۆ 1949 -جىلدىڭ 11 -تامىزىندا ماسكەۋ وبلىسىنىڭ كلين قالاسىندا قازاق وتباسىندا دۇنيەگە كەلگەن. تۋعان كەزدە اتى-ءجونى اليك ءابدۋالى ۇلى اسانبايەۆ بولعان. كەيىننەن اتىن جانە تەگىن وزگەرتىپتى.
اكەسى اسانبايەۆ الي اسانبايەۆيچ (ۇلتى قازاق) پەداگوگ بولدى، اناسى نادەجدا يۆانوۆنا ۆاسيلەۆا بالاباقشادا تاربيەشى بولىپ ەڭبەك ەتتى.
1972 -جىلى ك س ر و ءى ءى م ماسكەۋ ارنايى ورتا ميليتسيا مەكتەبىن، 1978 -جىلى جالپىوداقتىق زاڭ ينستيتۋتىن، 1991 -جىلى ك س ر و ءى ءى م اكادەمياسىن بىتىرگەن.
1967-1997 -جىلدار ارالىعىندا ىشكى ىستەر سالاسىندا ءتۇرلى لاۋازىمدى قىزمەتتەر اتقاردى.
1997 -جىلدىڭ 26 -ساۋىرىندە ر ف ىشكى ىستەر ءمينيسترى اناتولي كۋليكوۆتىڭ ءبىرىنشى ورىنباسارى بولىپ تاعايىندالدى.
1999 -جىلدىڭ 31 -مامىرىندا ر ف قاۋىپسىزدىك كەڭەسى حاتشىسى ۆلاديمير پۋتيننىڭ، وسى جىلدىڭ تامىزىنان باستاپ قاۋىپسىزدىك كەڭەسىنىڭ جاڭا باسشىسى سەرگەي يۆانوۆتىڭ ورىنباسارى بولدى.
2011 -جىلدىڭ 28 -ناۋرىزىنان ر ف ىشكى ىستەر ءمينيسترى بوريس گرىزلوۆتىڭ ورىنباسارى قىزمەتىنە تاعايىندالدى.
2003 -جىلدان باستاپ - ر ف فەدەرالدى جينالىسى مەملەكەتتىك دۋماسىنىڭ دەپۋتاتى.
قىركۇيەكتىڭ سوڭىندا رەسەي پرەزيدەنتى ەكى وبلىستىڭ گۋبەرناتورىن وتستاۆكاعا جىبەرگەنىن حابارلاعان ەدىك. ۆلاديمير پۋتين بارلىعى ونشاقتى ايماق باسشىسىن اۋىستىرماقشى.
