قازاقستاننىڭ ەت ونىمدەرى تۇركياعا ەكسپورتتالماق
«تۇركيا قازاقستاننىڭ ەت ءونىمىنىڭ ساپاسىن جوعارى باعالايدى. قازاقستاننىڭ ەت ءونىمى ەلدە ۇلكەن سۇرانىسقا يە بولاتىنىنا سەنىمدىمىن» ، - دەدى تۇركيا ەكونوميكا ءمينيسترى نيحات زەيبەكچي قازاقستاننىڭ ت ر- داعى ەلشىسى ابزال ساپاربەك ۇلىمەن كەزدەسۋدە. مينيستر قازاقستان مەن تۇركيا باسشىلارى اراسىنداعى ەكىجاقتى كەلىسىمدەردىڭ ماڭىزدىلىعىن اتاپ ءوتىپ، قازاقستاندىق ءونىمدى تۇركياعا يمپورتتاۋعا دايىن ەكەندىگىن جەتكىزدى.
ءوز كەزەگىندە ەلشى قازاقستانداعى ەت ءوندىرىسىنىڭ الەۋەتى، قازاقستانداعى بيدايدىڭ كولەمى تۋرالى ايتىپ، تۇركياعا استىق ەكسپورتتاۋ مۇمكىندىگىنە باسا نازار اۋداردى. كەزدەسۋدە تاراپتار اۋىل شارۋاشىلىعىنا، سونىڭ ىشىندە قازاقستانداعى مال شارۋاشىلىعى سەكتورىنا تۇرىك ينۆەستيتسيالارىن تارتۋعا، قازاقستاننىڭ اۋىل شارۋاشىلىعى ونىمدەرىن تۇركياعا ەكسپورتتاۋعا قاتىستى ماسەلەلەردى زەردەلەدى. سونداي- اق، ەكى ەل اراسىنداعى ساۋدا- ەكونوميكالىق ىنتىماقتاستىقتى دامىتۋ اياسىندا ءوزارا قارىم- قاتىناس تۋرالى، سونداي- اق ەكونوميكالىق سالاداعى ۆەدومستۆوارالىق جۇمىس توپتارىن جانداندىرۋ جايلى كەلىسىلدى.
