قازاقستاندا قانشا پروداكشن ستۋديا بار - فوتو
مۇنداي پىكىردى ق ر اقپارات جانە كوممۋنيكاتسيالار ءمينيسترى داۋرەن ابايەۆ ءبىلدىردى، دەپ حابارلايدى قازاقپارات.
«ءبىزدىڭ تەلەارنالار پروداكشن كومپانيالاردىڭ كونتەنتتەرىن زەردەلەۋ جۇمىستارىنا بەلسەنە قاتىسقانىن قالايمىن. قازىرگى ۋاقىتتا پروداكشن كومپانيالاردىڭ تەلەارنالار باسشىلىعىنا شىعۋى وتە قيىن ەكەندىگىن دە بىلەمىن. كوپتەگەن كەزەڭنەن وتۋگە تۋرا كەلەدى. ال بۇل شارا تەلەارنالارمەن جانە ستۋديالارمەن تىكەلەي سۇحباتتاسۋ مۇمكىندىگى. بۇگىن پروداكشن كومپانيالار ءوز ونىمدەرىن بىزگە تىكەلەي تانىستىرا الادى»، - دەدى مەديااپتالىقتىڭ اشىلۋ راسىمىنەن كەيىن ب ا ق وكىلدەرىنە سۇحبات بەرگەن مينيستر.
سونىمەن قاتار ول ب ا ق وكىلدەرىنىڭ وتاندىق پروداكشن ستۋديالاردىڭ وزگە ەلدەرمەن سالىستىرعاندا قانشالىقتى دامىعاندىعىنا قاتىستى ساۋالىنا جاۋاپ بەردى.
«مەنىڭشە، رەسەيلىك برەندتەرمەن سالىستىرۋ دۇرىس بولا قويماس. نارىق مۇلدەم باسقا. بۇگىنگى شاراعا 93 پروداكشن ستۋديانىڭ قاتىسىپ جاتقانىنا تاڭ قالدىق. بىزدە مۇنشالىقتى كوپ ستۋديانىڭ بار ەكەندىگىن دە بىلمەدىك. سوندىقتان دا بۇل شارا اتالعان سالانىڭ دامۋىنا تىڭ سەرپىن بەرەرى ءسوزسىز»، - دەدى داۋرەن ابايەۆ.
مينيستر «قازمەديا» ورتالىعى دامۋدىڭ العاشقى كەزەڭىنەن تابىستى ءوتىپ، بۇگىندە بارلىق ستۋديالارى جۇمىس ىستەپ تۇرعانىن ايتتى.
«ەندى بۇل جۇمىستارعا كورشىلەرىمىز، سەرىكتەستەرىمىز بەلسەنە قاتىسقانىن قالايمىز. ءبىزدىڭ شەتەلدىك سەرىكتەستەرىمىز كەلىپ، وسىناۋ الاڭدى، ستۋديالاردى فيلمدەر تۇسىرۋگە پايدالانعانى ءجون بولار ەدى. بۇل ءوزارا ءىس-قيمىلعا جاقسى بولادى. ارينە، ونىڭ بارلىعى اقىلى نەگىزدە جۇرگىزىلەدى. ءبىز «قازمەديا» ورتالىعىندا ولاردىڭ ودان ءارى دامۋىنا مۇمكىندىك بەرەمىز»، - دەدى ول.
