پاۆلودار وبلىسىنداعى مەكتەپتەردە فۋتبول ساباعى ەنگىزىلۋدە
وبلىستىق ءبىلىم باسقارماسى تاربيە جۇمىستارى جانە قوسىمشا ءبىلىم بەرۋ ءبولىمىنىڭ باسشىسى ازامات سىزدىقوۆتىڭ ايتۋىنشا اتالمىش ساباق تاڭدالىنىپ الىنعان مەكتەردە عانا وتكىزىلەدى .
«مەكتەپتەر سپورتتىڭ اتالعان ءتۇرى بويىنشا كورسەتكەن ناتيجەسى مەن ماتەريالدىق- تەحنيكالىق جاعدايىنا قاراي تاڭدالىپ الىندى. سونىمەن قاتار، اپروباتسيالاۋ جۇرگىزۋگە دايىن دەنە تاربيەسى مۇعالىمدەرى بولۋى ءتيىس. فۋتبول - الەمدەگى ەڭ ايگىلى جانە بۇقارالىق سپورت ءتۇرى. الەمدىك ويىنشىلاردىڭ باسىم بولىگى وزدەرىن بالا كەزىنەن اۋەسقوي كوماندالىق نەمەسە ايماقتىق جارىستاردا كورسەتە بىلگەن»، - دەيدى ازامات سىزدىقوۆ. وبلىستا سەگىز مىڭنان اسا جاس سپورتشى اۋىلدىق مەكتەپتەردە، بالالار- جاسوسپىرىمدەر مەكتەبىندە جانە فۋتبول ورتالىقتارىندا، كاسىبي كوماندالاردا، فۋتبول سەكتسيالارىندا شۇعىلدانادى.
فۋتبول، شاعىن فۋتبول، فۋتزال بويىنشا مەكتەپشىلىك، اۋداندىق، قالالىق جانە وبلىستىق جارىستار ءجيى وتكىزىلەدى. ءوڭىر سپورتشىلارى رەسپۋبليكالىق جارىستاردا ناتيجەلى ويىن كورسەتۋدە.
بيىل ق ر ءبىلىم جانە عىلىم مينيسترلىگى «ورتا ءبىلىم بەرۋ ۇيىمدارىنىڭ 1-4 -سىنىپتارىندا دەنە تاربيەسىنىڭ ءار ءۇشىنشى ساباعىندا «فۋتبول ساباعىن» سىناقتان وتكىزۋ تۋرالى» بۇيرىعىنا سايكەس رەسپۋبليكانىڭ ءتۇرلى وبلىستارىندا باستاۋىش سىنىپتارىندا فۋتبولعا اپروباتسيالاۋ جۇرگىزىلەتىن ءبىرقاتار مەكتەپتەر انىقتالدى.
