09:17, 04 - قازان 2017 | GMT +6
استانا اكىمدىگى جەلىدە تاراپ جاتقان جالعان حابارلامالاردان ساق بولۋعا شاقىردى
استانا. قازاقپارات - استانا قالاسى اكىمدىگىنىڭ باسپا ءسوز قىزمەتىنىڭ جەتەكشىسى - باسپا ءسوز حاتشىسى ەلۆيرا جۇرگەنبايەۆا فەيسبۋكتەگى ءوزىنىڭ پاراقشاسىندا الەۋمەتتىك جەلىدە جول ەرەجەسىن بۇزعانى ءۇشىن ايىپپۇل تاعايىندالعاندىعى تۋرالى جالعان حابارلامالار تاراتىلا باستاعاندىعىن ءمالىم ەتتى، دەپ حابارلايدى قازاقپارات.
«قوعامدىق كولىك ماسەلەلەرىنە حالىق نازارى ارتىپ وتىرعان سوڭعى ۋاقىتتا، الەۋمەتتىك جەلىلەردە جانە WhatsApp توپتارىندا جول ءجۇرۋ ەرەجەسىن بۇزعانى ءۇشىن ايىپپۇلدىڭ سالىنۋىنا قاتىستى حابارلامالداردىڭ ءارتۇرلى فەيك-سكرينشوتتارى پايدا بولا باستادى. بارلىق ەلوردا تۇرعىندارى مەن قوناقتارىنان ساق بولۋدى، مۇنداي اقپاراتتاردىڭ راس-وتىرىگىن تەكسەرۋدى جانە جالعان مالىمەت تاراتپاۋدى سۇرايمىز. جول ءجۇرۋ ەرەجەسىن ساقتاڭىزدار! سىزدەرگە جولدا ساتتىلىك تىلەيمىز!، - دەپ جازدى ەلۆيرا جۇرگەنبايەۆا.
فوتودا - حالىق اراسىندا تاراپ جاتقان فەيك-سكرينشوتتاردىڭ ءبىرى.
