استانادا بىردە-ءبىر كاسىپورىننىڭ جالاقى بويىنشا قارىزى جوق
قالالىق ەڭبەك، جۇمىسپەن قامتۋ جانە الەۋمەتتىك قورعاۋ باسقارماسىنان ءمالىم ەتكەندەي، ەڭبەك داۋ- دامايلارى كوبىنە كاسىپورىننىڭ قىزمەتكەرلەرگە جالاقىنى ۋاقىتىلى تولەمەۋىنە قاتىستى بولادى.
«بۇگىنگى كۇنى ەڭبەك شارتتارى شەڭبەرىندە جۇمىس ىستەيتىن كاسىپورىنداردىڭ جۇمىسكەرلەرى اراسىندا جالاقى بەرەشەگىنە قاتىستى استانا قالاسى بويىنشا قانداي دا ءبىر شيەلەنىستى جاعدايلار تىركەلگەن جوق (جالاقىنى كەشىكتىرۋدىڭ جەكە ءبىرىڭعاي فاكتىلەرى بويىنشا ۋاقىتىلى شارالار قابىلدانادى جانە ولار جويىلادى). مىسالى، ايىپپۇل سانكتسيالارىن سالماي، ولاردى جويۋ تۋرالى ۇيعارىمدى شىعارۋمەن بۇزۋشىلىقتى انىقتاۋ تۇرعىسىندا وبەكتىلەرگە بارۋدى جۇزەگە اسىرامىز، ياعني ماجبۇرلەۋ جانە ۇسىنۋ سيپاتىنداعى ادىسپەن جۇمىس ىستەيمىز»، - دەلىنگەن حابارلامادا.
ەڭبەك، جۇمىسپەن قامتۋ جانە الەۋمەتتىك قورعاۋ باسقارماسىنىڭ اقپاراتىنا سايكەس، جۇمىس بەرۋشىلەر مەن كاسىپوداقتار اراسىندا ىنتىماقتاستىق تۋرالى 18156 مەموراندۋمعا قول قويىلعان.
