قىتاي قازاقستان ارقىلى يران مەن ەۋروپاعا جۇك جەتكىزۋدى ۇدەتە تۇسپەك
دەپ حابارلايدى يراندىق financialtribune.com.
«ينچۋان - تەھران جۇك پويىزدارى جوباسىنىڭ باس ديرەكتورى ليان حۋامەن كەزدەسۋدە قىتاي 2017 -جىلدىڭ سوڭىنا دەيىن اي سايىن ەكى پويىز جىبەرەتىن بولىپ دەپ شەشىلدى»، - دەدى ەبراحيم موحاممادي.
مەحانيكالىق جابدىق، قىش جانە حرۋستال ىدىستار، سونداي- اق اۆتوكولىك كەرەك- جاراقتارى تيەلگەن 500 توننالىق جۇك پويىزى 5 - قىركۇيەك كۇنى نيڭشيا- حۋەيسك اۆتونومدىق اۋدانىنىڭ ينچۋان قالاسىنان يرانعا قاراي جول تارتتى.
«تەمىرجول ارقىلى تاسىمال جاساۋ تەڭىز ارقىلى تاسىمالداۋعا قاراعاندا 20 كۇنگە از ۋاقىتتى الادى، ال بۇل ءبىزدىڭ جەتكىزۋ شىعىندارىمىزدى ايتارلىقتاي تومەندەتەدى»، - دەدىليان حۋا. سونداي- اق كەزدەسۋ بارىسىندا قىتايلىق دەلەگاتسيا تەھران تەمىرجول ۆوكزالىنىڭ جانىندا كونتەينەرلىك تەرمينال سالۋ جايلى ۇسىنىسقا دا قولداۋ ءبىلدىردى. قىتايلىق دەلەگاتسيا وسى باعدار بويىنشا جۇك تاسىمالداۋدى ىنتالاندىرۋ ءۇشىن قىتاي ۇكىمەتى كاسىپورىندى تەمىرجول تاسىمالى شىعىنىنا تولەم جاساۋدان بوساتاتىنىن ايتتى. كەزدەسۋ كەزىندە تاعى دا قىزۋ تالقىلانعان تاقىرىپتىڭ ءبىرى - يراندىق تاراپقا قىتايلىق پويىزدىڭ يراننان ەۋروپاعا شىعۋىنا جاعداي جاساۋدى ۇسىنۋ جايىندا بولدى.
وسى ارادا، قىتاي ەۋروپامەن بايلانىس جاساۋ ءۇشىن قازاقستاننىڭ گەوگرافيالىق ورنالاسۋىن جاقسى پايدالانىپ وتىرعانىن ايتىپ كەتۋ كەرەك. 29 - قىركۇيەك كۇنى جۇك پويىزى ۇرىمجىدەن قىتايدىڭ سولتۇستىك- باتىسىنا، گوللانديانىڭ روتتەردامىنا قاراي بەت الدى. وسى باعىتتى باعدار ەتكەن پويىز قازاقستاننىڭ «قورعاس» كەدەن بەكەتىن باسىپ ءوتىپ، رەسەي، لاتۆيا ارقىلى جۇرەدى. جۇك لاتۆيانىڭ استاناسىنان روتتەردامعا تەڭىز ارقىلى جەتكىزىلەدى.
«شينحۋا» اگەنتتىگىنىڭ ايتۋىنشا، ءۇرىمجى - روتتەردام پويىزى باعىتىنىڭ ىسكە قوسىلۋى - قازاقستان مەن قىتاي ىنتىماقتاستىعىنىڭ ناتيجەسى. 30 - قىركۇيەك كۇنى شانشي پروۆينتسياسى مەن پاۆلودار اراسىنداعى العاشقى جۇك تەمىرجول رەيسى باستاۋ الدى. 41 كونتەينەردەن تۇراتىن جۇك پويىزى تايۋانداعى «چجۋندين» كولىك پاركىنەن 3705 شاقىرىمدىق جولعا شىققان. تايۋان مەن پاۆلودار اراسىنداعى جۇك تەمىرجول رەيستەرى جۇكتى جەتكىزۋدىڭ مەرزىمىن جەتى كۇنگە دەيىن قىسقارتادى. سونىمەن قاتار بۇل شانشي پروۆينتسياسىنان ورتالىق ازياعا شىققان العاشقى جۇك رەيسى.
ءدال سول كۇنى قىتاي- ەۋروپا باعدارى اياسىندا چىڭدۋ قالاسىنان 41 كونتەينەر تيەگەن جۇك پويىزى چەحيانىڭ استاناسى پراگانى بەتكە الدى. بۇل پويىز قازاقستان، رەسەي، بەلارۋس، پولشانى باسىپ ءوتىپ، پراگاعا شامامەن 13 كۇن ىشىندە جەتەدى. پويىز سىچۋاندىق «چانحۋن» كورپوراتسياسىنىڭ قۇنى 5,08 ميلليون دوللار بولاتىن ەلەكتروندىق جابدىقتارىن اپارادى. ءدال قازىرگى ۋاقىتتا چىڭدۋ قالاسىنان ەۋروپاعا شىعاتىن التى جۇك تەمىرجول باعدارى اشىلعان. سونداي- اق الماتىعا جۇرەتىن ءبىر باعدار بار.
abctv.kz
