استانا وپەرا تەاترىنىڭ بالەت ۇجىمى ومان ەلىن تامساندىرىپ قايتتى
«تەاتر ۇجىمى ومان ەلىنىڭ استاناسى ماسكاتتاعى حانشايىم تەاترىندا ونەر كورسەتتى. ول جاقتا «استانا وپەرا» تەاترىنىڭ بالەت ۇجىمى چايكوۆسكيدىڭ«اققۋ كولى» بالەتىمەن دەبيۋت جاسادى. بۇل گاسترولدىك ساپاردى قازاقستاندىق بالەت ونەرىنىڭ تىڭ پاراعى دەپ ايتۋعا دا بولادى. ءبىز تولىقتاي ومان ەلىنىڭ قارجىلاندىرۋىمەن گاسترولدىك ساپار جاساعىنىمىزدى اتاپ وتكىمىز كەلەدى. بارلىق شىعىندى ومان ەلى ءوزى كوتەردى. بۇل دەگەنىڭىز ءبىزدىڭ بالەتتىڭ حالىقارالىق دەڭگەيگە كوتەرىلگەنىن دالەلدەيدى» ، - دەيدى ديرەكتور عالىم احمەدياروۆ.
ومان ەلىنە «استانا وپەرا» تەاترىنىڭ بالەت ۇجىمى تۇڭعىش رەت ونەر كورسەتكەن. شىعىستاعى ەلدە التىناي اسىلمۇراتوۆانىڭ جاڭا حورەوگرافيالىق رەداكتسياسىنداعى الەمدىك كلاسسيكا جاۋھارى چايكوۆسكيدىڭ «اققۋ كولى» بالەتى وماندىقتاردىڭ قوشەمەتىنە يە بولعان.
«ءبىزدىڭ بالەت ونەرىنىڭ مايتالماندارى كورەرمەندى بەي- جاي قالدىرمادى. ومان ەلىنىڭ وزىندىك ەرەجەلەرى قالىپتاسقان مەملەكەت ەكەنىن بىلەتىن ەدىك. سوندىقتان، ازداپ قوبالجىدىق. الايدا پريما- بالەرينا ءمادينا باسبايەۆا مەن ايگەرىم بەكەتايەۆانىڭ ونەرىنە وماندىقتار ورىندارىنان تۇرىپ قول سوقتى. ونەرىمىزدىڭ وزگە ەلدە باعالانعانىنا قۋانىشتىمىز» ، - دەيدى «استانا وپەرا» تەاترىنىڭ بالەت ترۋپپاسىنىڭ كوركەمدىك جەتەكشىسى التىناي اسىلمۇراتوۆا.
اۆتور: ايان بەكەن ۇلى
