اۆتوماتتاندىرىلعان جۇيەنىڭ كولەڭكەسىندە قالعان كەدەنشىلەرگە نە بولادى
بۇل تۋرالى ق ر قارجى مينيسترلىگى مەملەكەتتىك كىرىستەر كوميتەتى ءتوراعاسىنىڭ ورىنباسارى عوسمان ءامرين ءمالىم ەتتى، دەپ حابارلايدى قازاقپارات.
«ءبىز وڭتايلاندىرۋ شارالارىن جۇرگىزۋگە ءماجبۇر بولدىق. بيىل وزبەك شەكاراسىندا ەكى وتكىزۋ بەكەتىن اشتىق جانە ول جەرگە ادامداردىڭ شتاتى كەرەك. سونىمەن قاتار ءبىز تاۋلىك بويى جۇمىس جاسايتىن رەجيمگە اۋىستىق. وزدەرىڭىز بىلەسىزدەر، ءبىر ادام 24 ساعات بويى قىزمەت ەتە المايدى. سونىمەن بىرگە بىزگە ەكسپورتتىق باقىلاۋ بويىنشا جاڭا قىزمەتتەر جۇكتەلدى. الداعى جىلى قىتايمەن اراداعى شەكارادا ەڭ ۇلكەن بەكەت اشىلادى، شامامەن ءساۋىر- مامىر كەزىندە ىسكە قوسىلادى. وسى ورايدا بۇل جەردە اۋقىمدى جۇمىس جۇرگىزىلگەندىكتەن، وسى بەكەتكە دە قىزمەتكەرلەر قاجەت بولادى»، - دەدى ول ورتالىق كوممۋنيكاتسيالار قىزمەتىندە.
ونىڭ سوزىنە قاراعاندا، استانا-1 جۇيەسى 1- قازاننان باستاپ جۇمىس ىستەۋدە جانە ونىڭ كومەگىمەن كەدەندىك ۇدەرىسكە اۆتوماتتاندىرىلعان باقىلاۋ ىسكە اسىرىلادى.
«ماسەلەن، ءبىر كومپانيا بۇرىندارى كونتاباندامەن ۇستالسا، بىردەن بۇل كومپانيانى تىڭعىلىقتى تەكسەرۋگە بۇيرىق بەرىلەدى. ياعني، جۇيە كەدەنشى جۇمىسىنا نۇسقاۋ جاسايدى. ەگەر دە كەدەنشى بۇل شارالاردى ىسكە اسىرماسا، وندا جۇيە وعان دەكلاراتسيانى جابۋعا ءارى قۇجاتتاردى راسىمدەۋگە مۇمكىندىك بەرمەيدى. ەگەر دە جاڭا كومپانيا بولسا، وندا تاۋار قۇنى باعالانادى. وسى ورايدا «iPhone» قۇرىلعىسىن تاسىمالداۋشى 100 دوللار دەپ بەلگىلەسە، ءوز كەزەگىندە ماشينا بۇعان دەيىن دەكلاراتسيادا وسى قۇرىلعىلار 800 دوللاردان جازىلعانىن انىقتايدى. بۇل تۇرعىدا جۇيە قۇجاتتاردىڭ دۇرىستىعىن انىقتاۋعا بۇيرىق بەرەدى. ول ءونىم قۇنىنا، تاۋارعا، تاسىمالعا، ەلدەرگە جانە باسقا دا فاكتورلارعا ارەكەت ەتەدى»، - دەدى ع. ءامرين.
قارجى مينيسترلىگى وكىلدەرىنىڭ پايىمىنشا، اتالعان جۇيە كەدەندىك راسىمدەردى جىلدامداتىپ، قاعازباستىلىقتان باس تارتۋ ارقىلى تاۋارلاردى دەكلاراتسيالاۋعا، سىبايلاس جەمقورلىق دەڭگەيىن تومەندەتۋگە ىقپال ەتەدى.
اۆتور: رۋسلان عابباسوۆ
