وڭتۇستىك قازاقستان وبلىسىنىڭ ەكسپورتقا جاڭا تاۋار تۇرلەرىن شىعارۋدى قولعا الدى
وسىعان دەيىن وڭتۇستىك وڭىرىنەن ەكسپورتقا شىعاتىن تاۋارلار تەك ازىق- تۇلىك، ماقتا- ماتا جانە اۋىلشارۋاشىلىق ونىمدەرى عانا بولسا، ەندىگى جەردە زاماناۋي تەحنولوگيا قولدانىپ وندىرىلەتىن ءونىم تۇرلەرى دە كوبەيىپ وتىر.
بۇل ءتىزىمدى ەندى ورتوپەديالىق قۇرال- جابدىقتار، كىلەمدەر مەن جاڭاشا جاسالعان پليتالار تولىقتىرۋدا. ءدال قازىر رەسەي، تاجىكستان، قىرعىزستان جانە ەۋروپا ەلدەرىنە ەكسپورتتى ۇلعايتۋ ماسەلەسى قارالىپ وتىر. ماسەلەن، شىمكەنتتەن شىعارىلاتىن ۆاكۋۋمدىق تۇتىكشەلەر ەۋروپادا ساۋدالانادى. بۇل قازىر وڭىرگە ءبىرشاما جاڭا ەكسپورتتىق تاۋار ءتۇرى بولىپ وتىر. سالا ماماندارىنىڭ سوزىنشە، ەكسپورتقا ءونىم شىعارۋدى ورىستەتۋدە مەملەكەتتىك قولداۋدىڭ ناقتى كومەگى كوپ. قازىرگى تاڭدا كاسىپكەرلەرگە « ەكسپورت شىعارۋشى-2020» باعدارلاماسىنا قاتىسۋ ۇسىنىلىپ، وزگە دە ەكسپورتتى قولداۋ مەن ورىستەتۋگە باعىتتالعان باعدارلامالار جاسالىپ وتىر.
«ەگەر ءوندىرىس ورنى جاڭاشىلدىق تاسىلمەن ءونىم ءوندىرىپ، ول ءونىم ەكسپورتقا شىعاتىن بولسا، ءبىز اكىمدىك تاراپىنان بارلىق جاعداي جاساۋعا دايىنبىز. سول ءۇشىن دە بىزدە ارنايى ەكونوميكالىق ايماق بار. ول جەردە وندىرىلگەن ونىمدەر بارلىق سالىق تۇرىنەن بوساتىلعاندىقتان، باستاپقى باعا تومەن بولىپ، ەكسپورتقا ءتيىمدى باعادا ساۋدالاۋعا مۇمكىندىك تۋادى»، - دەيدى وبلىستىق ونەركاسىپ باسقارماسىنىڭ ءبولىمىنىڭ باسشىسى حيكمات رايىمبەكوۆ.
اۆتور: اينۇر اقبايەۆا
