ءلايلا سۇلتان قىزىنىڭ كەزەكتى كىتابى ۇياتتى تاقىرىپتى قوزعاماق
ءدال وسى سوزدەردى نەگىزگە العان، ءلايلا سۇلتان قىزى تاعى ءبىر كىتابىنىڭ تۇساۋىن كەسپەك.
تەلەجۇرگىزۋشى مۇنىسىمەن قويماي، بارشا ايەل قاۋىمىنا كومەكتەسەمىن دەيدى...
بۇل تۋرالى ن ت ك ارناسىنىڭ «رەۆيۋ» باعدارلاماسىندا ايتىلدى.
«تىيىم سالىنعان تاقىرىپتار بولعاندا، قىز بالاسىنىڭ ومىرىندەگى، ايەل دەپ الىپ وتىرمىز، قىز بالاسىنىڭ ومىرىندەگى كەيبىر مىسالى، وتپەلى كەزەڭدەردە بولاتىن پروبلەمالار، بۇل كىتاپتىڭ شىعۋىنا تۇرتكى بولىپ وتىرعان انالاردىڭ حاتتارى. ءبىز ويدان ەشتەڭە قۇراعان جوقپىز»، - دەپ ءتۇسىندىردى سۇلتان قىزى.
تالاي ايەلدىڭ كوكەيىندە جۇرگەن ءتۇرلى ساۋالعا جاۋاپ بەرۋگە تىرىسقان كىتاپتى شىعارۋ ءۇشىن، ءلايلا عانا ەمەس، ارنايى ۇجىم تەر توككەن كورىنەدى...
«بارلىق مامانداردى بۇل جولى ءبىز بىرىكتىردىك. پسيحولوگتى، دەرماتولوگتى، پسيحياتر، كوسمەتولوگتى دەگەندەي. كادىمگىدەي مەن ولاردى جالدادىم»، - دەيدى تەلەجۇرگىزۋشى.
ءوزى دە ومىردە ستيليست مامانىنىڭ كومەگىنە جۇگىنەتىن ءلايلا سۇلتان قىزىنىڭ ءاردايىم اسەم كيىنىپ جۇرەتىنى بەلگىلى. الايدا، كۇنى كەشە، تەلەجۇرگىزۋشىنىڭ «L'Officiel Awards» شاراسىنداعى وبرازى جۇرتقا اسا جاقپادى. اشىق-شاشىق كيىندىڭ دەگەن كوپشىلىككە تەلەجۇرگىزۋشىنىڭ جاۋابى دا دايىن.
«ناشار كوممەنتاري جازاتىندار، كەيدە كۇندە مەنىمەن ءشاي ءىشىپ، مەنىڭ بار مىنەز-قۇلقىمدى بىلەتىن سياقتى جازادى. مەن ءوزىم تاڭقالىپ جاتام، سودان كەيىن كۇلەم دە قويام»، - دەيدى ءلايلا سۇلتان قىزى.
ادەمى كيىنۋدە، تەلەجۇرگىزۋشى كۇيەۋىنە ىلەسە الماي جاتاتىنىن دا جاسىرمادى.
«مەنىڭ كۇيەۋىم وتە ءسانقوي شىنى كەرەك، ءبىزدىڭ ۇيدە گاردەروب 30 كۆادرات بولسا، سونىڭ 20 كۆادراتىندا مەنىڭ كۇيەۋىمنىڭ كيىمدەرى تۇرادى. جانە دە، مەنىڭ كۇيەۋىمنىڭ سونداي ادەمى دۇنيەگە قىزىعۋشىلىعىنا قاراپ، قايتا مەن سونىڭ شاڭىنا زورعا ىلەسىپ جۇرەم. سونىڭ ءوزى قۇدايعا شۇكىر دەيمىن، ويباي سەنەن ادەمى، سەنەن ارتىق كيىنەتىن جىگىت جوق دەپ»، - دەيدى اعىنان جارىلعان تەلەجۇلدىز.
كۇيەۋىمەن قارىم-قاتىناستا ءدال وسىلاي اقىلدىلىق تانىتاتىن سۇلتان قىزى، كەزەكتى كىتابىندا ايەلدەر قاۋىمىنان ءوز كەڭەسىن اياماق ەمەس. ال، ونەگەگە تولى جاڭا باسىلىم تۇساۋى 15-قازان كۇنى كەسىلەدى دەپ كۇتىلۋدە.
