ستۋدەنتتىك نەسيەلەردى وتەۋدى باقىلاۋ جۇيەسى ىسكە قوسىلدى - داۋرەن ابايەۆ

استانا. قازاقپارات - ۇكىمەتتىڭ بۇگىنگى وتىرىسىندا ەلەكتروندى ءبىلىم بەرۋ ماسەلەلەرى قارالدى.

وسى ورايدا ق ر اقپارات جانە كوممۋنيكاتسيالار ءمينيسترى داۋرەن ابايەۆ اتالعان سالانىڭ تەحنيكالىق جاعىن بايانداپ بەردى، دەپ حابارلايدى قازاقپارات ءتىلشىسى.

ءمينيستردىڭ ايتۋىنشا، قازىرگى كەزدە ءبىلىم بەرۋ سالاسىنداعى 64 مەملەكەتتىك قىزمەتتىڭ 16 سى اۆتوماتتاندىرىلدى. قالعان 48 قىزمەت ءالى دە ەلەكتروندى نۇسقاعا كوشىرىلگەن جوق. سونىڭ باسىم بولىگى جەرگىلىكتى بيلىك پەن ۇيىمدارعا تيەسىلى.

«ال تەحنيكالىق تاپسىرمالارعا كەلسەك، ناقتى ءۇش جوبا بار. ولار - ءبىلىم بەرۋ مالىمەتتەرىنىڭ ۇلتتىق بازاسى، مەملەكەتتىك جانە ستۋدەنتتىك نەسيەلەردى وتەۋدى باقىلاۋ جۇيەسى، سونداي-اق «بولاشاق» ۇلتتىق اقپاراتتىق جۇيەسى. سونىڭ ىشىندە «بولاشاق» پەن نەسيەلەردى وتەۋ جوبالارى وندىرىستىك ەكسپلۋاتاتسياعا تاپسىرىلدى»، - دەدى ابايەۆ.

بۇدان بولەك، بالاباقشالاردى اۆتوماتتاندىرۋ جۇمىسىن دا كۇشەيتۋ كەرەك. وعان جەرگىلىكتى بيلىك جاۋاپ بەرەدى. ءبىلىم بەرۋ سالاسىنداعى سەرۆەرلەر مەن قۇرال-جابدىقتاردىڭ توزۋى دا انىق بايقالادى.

اۆتور: ارمان اسقاروۆ