ەۋروپالىقتاردىڭ جاعاسىن ۇستاتقان ورتا ازيا زاڭدارى

استانا. قازاقپارات - س س س ر- دەن ءبولىنىپ شىققالى ءار مەملەكەت وزىنە پرەزيدەنت تاعايىنداپ، جاڭا زاڭدار ەنگىزە باستادى.

كوپتەگەن پرەزيدەنت وسى زاڭدارى ارقىلى ەرەكشەلەنگىلەرى كەلگەن سياقتى.

ساقال وسىرۋگە تىيىم

2014 - جىلدان باستاپ تاجىكستان ۇستازدارىنا ساقال وسىرۋگە تىيىم سالىنعان. اتالعان زاڭ ورتا مەكتەپتەر مەن بارلىق ج و و- عا قاتىستى. ءبىراق، 50 جاستان اسقاندار بەلگىلى ءبىر ۇزىندىققا دەيىن وسىرە الادى. ءدال وسى سەكىلدى زاڭ وزبەكستاندا دا بار. كىشكەنە وسكەن ساقالعا بولا ۇستازدىق قىزمەتىڭىزدەن ايىرىلىپ قالۋىڭىز مۇمكىن. مۇنىمەن قاتار، ساقال ءوسىرىپ جۇرگەن جاسوسپىرىمدەردى پوليتسيا الىپ كەتىپ، تەرگەۋگە قۇقىلى. جانكۇيەرلەر ماتچتى ساقالىنا بولا كورە الماعان كەزدەر دە بولعان.

«سوڭعى قوڭىراۋعا» تىيىم

بۇل جولى دا تاجىكستان مەملەكەتى ەرەكشەلەنبەك. 2016 -جىلدان بەرى وقۋشىلار سوڭعى قوڭىراۋدى ەستۋ مۇمكىندىگىنەن ايىرىلدى. ولار وزگە مەملەكەتتەگى قۇرداستارى سەكىلدى كوككە شار ۇشىرىپ، ۇستازدارى مەن اتا- انالارىنىڭ جىلى تىلەكتەرىن ەستي المايدى. زاڭ بۇزىلعان جاعدايدا قاتاڭ شارالار قولدانىلادى ەكەن. وزبەكستاندا وقۋشىلار سوڭعى قوڭىراۋ ءۇنىن ەستىگەنىمەن، قوشتاسۋ كەشىن وتكىزە المايدى. اتتەستاتتارىن العاننان كەيىن ولار ءۇيدى-ۇيگە تاراسادى.

التىن ءتىس سالدىرۋعا تىيىم

2006 - جىلى تاجىكستاندا ۇستازداردىڭ ءبىرى جالاقىسىنىڭ تىم از ەكەنىن ايتىپ شاعىمدانعان. ءوزىن وزگە ارىپتەستەرىمەن سالىستىرسا كەرەك. وسىدان كەيىن تاجىكستان پرەزيدەنتى بۇل ماسەلەنى ەرەكشە ادىسپەن شەشىپ، مەملەكەتتىك قىزمەتكەرلەرگە التىن ءتىس سالدىرۋعا تىيىم سالعان ەكەن.

بالەت، سيرك، وپەراعا تىيىم

2001 - جىلى تۇرىكمەنستان پرەزيدەنتى بالەت، سيرك جانە وپەرا سىندى مادەني شارالاردىڭ وتۋىنە تىيىم سالعان ەكەن. پرەزيدەنتتىڭ ايتۋىنشا، تۇرىكمەندەردە مۇنداي ونەر سالالارىنا دەگەن قىزىعۋشىلىق جوق. مۇنىمەن قاتار، شەتەلدىك گازەتتەردىڭ شىعۋىنا تىيىم سالىنعان ەكەن.

مىندەتتى تۇردە درەسس- كود بولۋى كەرەك

تۇرىكمەنستان بانكىنە كەز كەلگەن ادام كىرە المايدى. سەبەبى، ول جەردە ارنايى درەسس- كود بار. مىسالى، كۇن قاتتى ىستىق بولىپ، شورتى مەن فۋتبولكا كيىپ جۇرگەن جەرىڭىزدەن بانككە كىرە المايسىز. ءتىپتى، وسى بانكتىڭ قۇرمەتتى كليەنتى بولساڭىز دا.

ساياسات تانۋ ءپانىن جۇرگىزۋگە تىيىم

2015 - جىلدان باستاپ وزبەكستان ۋنيۆەرسيتەتتەرىندە ساياساتتانۋ ءپانىن جۇرگىزۋگە تىيىم سالىندى. پرەزيدەنتتىڭ ايتۋىنشا، بۇل پاندە شىندىققا جاناساتىن فاكتىلەر از.

بيىك اعاش وسىرۋگە تىيىم

وزبەكستان زاڭىنا سايكەس، بۇتانىڭ بيىكتىگى 0,5 مەتردەن اسپاۋى ءتيىس. وسىلايشا، ەلدەگى 50 سانتيمەتردەن اسقان بۇتالاردىڭ بارلىعى كەسىلىپ تاستالادى.

اۋەجاي مەن ۆوكزالعا جولاۋشىلاردان وزگە ەشكىم كىرە المايدى

وزبەكستاندا جولاۋشىلاردىڭ تانىستارى مەن تۋىستارى ولاردى شىعارىپ سالۋ ءۇشىن اۋەجايعا نەمەسە ۆوكزالعا كىرە المايدى. مۇنى پرەزيدەنت تەرروريستىك شابۋىلداردان قورعانۋ ءۇشىن جاساعان ەكەن.