قىتاي قازاقستانمەن شەكارانى ۋاقىتشا جاپتى

استانا. قازاقپارات - قىتاي حالىق رەسپۋبليكاسى قۇرىلعانىنا 68 جىل تويلاۋىنا بايلانىستى قازاقستان- قىتاي شەكاراسى ۋاقىتشا جابىق بولادى.

بۇل مالىمەتتى ق ر قارجى ءمينيسترى باقىت سۇلتانوۆ راستادى، - دەپ حابارلايدى Tengrinews.kz ءتىلشىسى.

باقىتجان ساعىنتايەۆ ۇكىمەت وتىرىسىندا باقىت سۇلتانوۆتان ەلىمىزدە جاڭا ەلەكتروندىق جۇيەنىڭ قوسىلۋى جايلى بايانداپ بەرۋىن سۇرادى. «ءسىزدىڭ تاپسىرماڭىزبەن ءبىز 1 -قازاندا العاشقى اقپاراتتىق «استانا-1» («ەلەكتروندىق شەكارا») جۇيەسىن ىسكە قوستىق. ەندى بۇكىل رەسپۋبليكا بويىنشا بارلىق ترانزيت وسى جۇيە ارقىلى راسىمدەلەدى. كورشى قىتايلىقتاردىڭ مەيرامىنا بايلانىستى بۇگىندە قازاقستان- قىتاي شەكاراسى جابىق. مۇنداي دەكلاراتسيانى راسىمدەۋگە 16 مينۋت كەتەدى، بۇل بۇرىنعى جۇيەگە قاراعاندا ءتورت ەسەگە از ۋاقىت الادى»، - دەدى مينيستر سۇلتانوۆ.