پرەمەر-مينيستر بەنزين باعاسىنا مونيتورينگ جۇرگىزۋدى تاپسىردى

استانا. قازاقپارات - ق ر پرەمەر-ءمينيسترى باقىتجان ساعىنتايەۆ بۇگىنگى ۇكىمەت وتىرىسىندا ۇلتتىق ەكونوميكا مينيسترلىگىنە ەلدەگى بەنزين باعاسىنا مونيتورينگ جۇرگىزۋدى تاپسىردى، دەپ حابارلايدى قازاقپارات.

«ءسىز قازىر قاراشا-جەلتوقساندا يمپورت كولەمىن 20 پايىزعا تومەندەتەمىز دەدىڭىز. سولاي عوي؟ ال باعا تومەندەي مە؟»، - دەپ سۇرادى ۇكىمەت باسشىسى ەلىمىزدىڭ ەنەرگەتيكا سالاسىنىڭ 9 ايىنىڭ قورىتىندىسى جايىندا بايانداعان ەنەرگەتيكا ءمينيسترى قانات بوزىمبايەۆتان.

«باعا كەمىندە تۇراقتاناتىن بولادى»، - دەپ جاۋاپ بەردى ول.

«يمپورت ازاياتىن بولسا، باعا دا تومەندەۋى قاجەت قوي»، - دەدى باقىتجان ساعىنتايەۆ.

«باقىتجان ءابدىر ۇلى، بۇل رەتتە باعا اتالعان 20 پايىزدىڭ رەسەيدەگى قۇنى قانداي بولادى، سوعان بايلانىستى.

ەگەر قازىرگى دەڭگەيدە، تونناسى 560 دوللار بولسا، وندا ىشكى نارىقتا باعانى تومەندەتۋگە مۇمكىندىك بار. ال ەگەر باعا كوتەرىلەتىن بولسا، 20 پايىز بىزگە بەلگىلى ءبىر دەڭگەيدە مۇمكىندىك بەرەدى»، - دەدى قانات بوزىمبايەۆ.

«تيمۋر مۇرات ۇلى، مونوپولياعا قارسى قىزمەتتەر احۋالعا مونيتورينگ جۇرگىزسىن، جاقسى ما؟»، - دەدى ءوز كەزەگىندە پرەمەر-مينيستر ۇلتتىق ەكونوميكا ءمينيسترى سۇلەيمەنوۆكە قاراتا.

اۆتور: مارلان جيەمباي