الەمنىڭ قاي ەلدەرىندە قۇدايعا ءتىل تيگىزگەندەر جازالانادى؟
اتاپ ايتقاندا، اۋعانستان، يران، مالايزيا، نيگەريا، پاكىستان، ساۋد ارابياسى، سومالي، سۋدان، بىرىككەن اراب امىرلىگى، يەمەن، كاتار جانە مالديۆا. دەسە دە اتالعان قىلمىس بويىنشا جازالانعاندار قاراسى سيرەك، ياعني، مۇنداي قىلمىس بويىنشا جازالاۋ تاجىريبەدە سيرەك قولدانىلادى.
بۇلاي دەيتىن سەبەبىمىز، ادەتتە قۇدايعا ءتىل تيگىزگەندەرگە ءولىم جازاسى قولدانىلاتىن ەلدەردىڭ زاڭناماسىندا جازانى جەڭىلدەتۋ جاعى دا قاراستىرىلعان.
ماسەلەن، يراننىڭ قىلمىستىق كودەكسىنىڭ 264 بابىندا پايعامبارلارعا نەمەسە يسلام ءدىنىن قارالايتىن سوزدەر اشۋ ۇستىندە ايتىلعان بولسا، يا بولماسا وزگە بىرەۋدىڭ ايتقانىن كەلتىرگەن بولسا نەمەسە ايىپتى ادام ونى بايقاماي قاتەلىكپەن ايتىپ قويعانى بەلگىلى بولسا، ياعني، دالەلدەنسە، وندا ءولىم جازاسى 74 مارتە دۇرە سوعۋ جازاسىمەن الماستىرىلاتىنى ايتىلعان.
كوبىنە دىننەن شىققانداردى نەمەسە قۇدايعا ءتىل تيگىزگەندەردى جازالاۋ وزگەلەرگە ساباق بولسىن، عيبرات السىن دەگەن «كورنەكى» ماقساتتا قولدانىلادى جانە قۇدايعا ءتىل تيگىزۋدى قىلمىسقا جاتقىزىپ، سول ءۇشىن جازا قولدانۋ الەم قاۋىمداستىعىنىڭ نارازىلىعىنا ۇشىراپ جاتادى. ونداي جازاعا ۇشىراعاندارعا باتىس ەلدەرى ارا ءتۇسىپ، ساياسي پانا بەرىپ جاتاتىنى دا بار.
Gallup International ۇيىمىنىڭ 2012 -جىلى جۇرگىزگەن ساۋالناما ناتيجەسىنە قاراعاندا، ساۋديالىقتاردىڭ 5 پايىزى وزدەرىن اتەيست ساناعان. ال Pew Research Center ورتالىعىنىڭ ارنايى جۇرگىزگەن زەرتتەۋ ناتيجەسىنە قاراعاندا، بۇل كورسەتكىش %0,7 دان اسپايدى.
