گولوۆكيننىڭ پروموۋتەرى رەۆانش تۋرالى ايتتى

استانا. قازاقپارات - قازاقستاندىق بوكسشى گەننادي گولوۆكيننىڭ (37-0-1, 33 ك و) پروموۋتەرى مەكسيكالىق بوكسشى ساۋل الۆارەس (49-1-2, 34 ك و) كومانداسىمەن قايتا جەكپە-جەك وتكىزۋ تۋرالى كەلىسسوزدەردىڭ قالاي ءجۇرىپ جاتقاندىعىن ايتتى.

«كەلىسسوزدەر باستالدى، ءبىز ماسەلەنى تالقىلاۋ ءۇشىن باس قوستىق. مۇنداي ۇلكەن جەكپە-جەكتى ۇيىمداستىرۋ ءۇشىن ۋاقىت قاجەت. ءبىرىنشى جەكپە-جەك تابىستى ءوتتى، ال رەۆانشتى وتكىزۋدە پروبلەما بولمايدى دەپ ويلايمىن. ويتكەنى بۇل جەكپە-جەكتىڭ وتكەنىن فاناتتار، ب ا ق، گەننادي مەن «كانەلو» قالايدى»، - دەدى لەففلەر EsNews-قا بەرگەن سۇحباتىندا.

ەسكە سالايىق، گولوۆكين - الۆارەس ءبىرىنشى ايقاسى تەڭ ناتيجەمەن اياقتالدى. رەۆانش 2018-جىلدىڭ 5- مامىر كۇنى وتەدى دەپ كۇتىلۋدە.