مەكتەپتەردە «جاسىل ساباقتار» وتكىزىلەدى

استانا. قازاقپارات - «قازاقستان-2050» جالپى ۇلتتىق قوزعالىسى مەكتەپتەردە قورشاعان ورتانى قورعاۋ مەن ەكولوگياعا ارنالعان «جاسىل ساباقتاردى» وتكىزۋدى جوسپارلاپ وتىر، دەپ حابارلايدى قازاقپارات ءتىلشىسى

ونداي ساباقتاردا وقۋشىلارعا ارنايى بەينەباياندار كورسەتىلەدى. باستى رولدەردى پلاستيك، قاعاز جانە تاعى باسقا قاتتى تۇرمىستىق قالدىقتار سومدايدى. ولار ەكولوگياعا كەلەتىن قاۋىپ-قاتەرلەر جايىندا وزدەرى باياندايدى. سەبەبى ءبىز ول زاتتاردى كۇندە ءوزىمىز تاستايمىز. ءبىراق قورشاعان ورتاعا قانشالىقتى زيان ەكەنىن جەتە تۇسىنە بەرمەيمىز»، - دەيدى «قازاقستان - 2050» جالپى ۇلتتىق قوزعالىسىنىڭ جەتەكشىسى مۇحتار مانكەيەۆ.

ونىڭ ايتۋىنشا، وسى ۋاقىتقا دەيىن ۇيىمنىڭ باستاماسىمەن 50 گە جوبا قولعا الىندى. سونىڭ ىشىندە «جاسىل ساباقتار» باستاماسى دا بار.

ايتا كەتەيىك، بۇگىن «قازاقستان-2050» جالپى ۇلتتىق قوزعالىسى تاعى ءبىر جوبانىڭ باستالعانىن جاريالادى. ول - «Zhangyru» كورپوراتيۆتى وقىتۋ» جوباسى.