وزبەكستاننان «دوستىق كەرۋەنى» ەلگە ورالدى
كەرۋەندى باستاپ بارعان وبلىس اكىمى اپپاراتىنىڭ «قوعامدىق كەلىسىم» ك م م باسشىسى ەربول بايقوناقوۆ ساپار تۋراسىندا ايتىپ بەردى، دەپ حابارلايدى قازاقپارات ءتىلشىسى.
قۇرامىنا زيالى قاۋىم وكىلدەرى، ەڭبەك ارداگەرلەرى، ەتنو- مادەني بىرلەستىكتەردىڭ ءتوراعالارى مەن ب ا ق وكىلدەرى ەنگەن كەرۋەندى وزبەكستانداعى قازاق ۇلتتىق مادەني ورتالىعىنىڭ باسشىلىعى كۇتىپ الىپ، كورشىلەس ەلدىڭ تاريحي- مادەني ورىندارىمەن تانىستىرعان.
باۋىرلاس ەلدەر اراسىندا دوستىق قارىم- قاتىناستى نىعايتۋ ماقساتىندا ۇيىمداستىرىلعان ساپار اياسىندا، قازاقستاندىقتار الدىمەن تاشكەنتتەگى تولەبي بابا كەسەنەسىنە زيارات ەتتى. سامارقانداعى ايگىلى رەگيستان تاريحي- ساۋلەتتىك كەشەنىمەن تانىسىپ، شاحي- زيندا تاريحي كەشەنىندە جەرلەنگەن وزبەكستاننىڭ ەكس- پرەزيدەنتى يسلام كاريموۆتىڭ رۋحىنا قۇران اياتتارىن باعىشتادى. سونداي-اق بۇحاراداعى باحاۋاددين ناكشباندي ماۆزولەيىن ارالاپ كوردى.
«بۇل ءىسساپار وزبەكستان رەسپۋبليكاسىنىڭ پرەزيدەنتى شاۆكات ميرزيەيەۆتىڭ ناۋرىز ايىندا قازاقستانعا جاساعان رەسمي ساپارى كەزىندە قازاقستان حالقى اسسامبلەياسى مەن وزبەكستان ينتەرناتسيونالدى مادەني ورتالىعىنىڭ اراسىندا تۇزىلگەن ىنتىماقتاستىق تۋرالى مەموراندۋم اياسىندا ۇيىمداستىرىلىپ وتىر. مەموراندۋم ەكى ەل اراسىنداعى مادەني ىقپالداستىقتى ارتتىرىپ، قازاقستان حالقى اسسامبلەياسى مەن وزبەكستان ينتەرناتسيونالدى مادەني ورتالىعىنىڭ ارىپتەستىگىن نىعايتۋدى كوزدەيدى. سونىڭ اياسىندا ەتنوسارالىق بىرلىكتى قامتاماسىز ەتىپ وتىرعان ۇيىمداردىڭ قوس ەلگە ەتنوساياحات ۇيىمداستىرۋىنا مۇمكىندىك بەرىپ وتىر»، - دەيدى ەربول بايقوناقوۆ.
«دوستىق كەرۋەنى» و ق و قازاقستان حالقى اسسامبلەياسىنىڭ ۇيىمداستىرۋىمەن وزبەكستانعا ەكىنشى رەت جول تارتىپ وتىر. دوستىق نيەتتەگى وزبەكستاندىق دەلەگاتتار دا وڭتۇستىك قازاقستان وبلىسىنىڭ تاريحي ورىندارىنا ساياحاتتار ۇيىمداستىرۋدا. رەسمي مالىمەتتەرگە سايكەس، بۇگىندە وزبەكستاندا 800 مىڭنان استام قانداسىمىز تۇرادى. ال قازاقستانداعى وزبەك ەتنوسى وكىلدەرىنىڭ سانى 550 مىڭعا جۋىقتايدى. الداعى ۋاقىتتا «دوستىق كەرۋەنى» جوباسى ەكى ەل اراسىندا مادەني ىقپالداستىقتى ودان ءارى نىعايتارىنا سەنىم مول.
