اقىلى پوليتسيا تۋرالى الىپقاشپا اڭگىمە نەگىزسىز - استانا پوليتسياسى

استانا. قازاقپارات - استانا قالاسىنىڭ جەرگىلىكتى پوليتسياسىنىڭ باسشىسى باقىتجان مالىبايەۆ پوليتسيانىڭ الداعى ۋاقىتتا اقىلى بولاتىنى تۋرالى الىپقاشپا اڭگىمەنىڭ نەگىزسىز ەكەنىن ءمالىم ەتتى، دەپ حابارلايدى «قازاقپارات» ح ا ا ءتىلشىسى.

و ك ق- دا وتكەن باسپا ءسوز ءماسليحاتى بارىسىندا باقىتجان مالىبايەۆقا «اقىلى پوليتسيا دەگەن بولا ما؟» دەگەن سۇراق قويىلعان بولاتىن.

«اقىلى پوليتسيا تۋرالى شىنىمدى ايتسام، ءبىرىنشى رەت سىزدەن ەستىپ تۇرمىن. مەنىڭشە، بۇل ساندىراق ءسوز. ەشقاشان ولاي بولمايدى. بىزدە ءبارى زاڭ الدىندا بىردەي. ءبىزدىڭ بۇيرىق بويىنشا قوڭىراۋ كەلىپ تۇسسە، قۇقىق قورعاۋشى 70 مينۋتتىڭ ىشىندە جەتۋى ءتيىس»، - دەيدى باقىتجان مالىبايەۆ.

جەرگىلىكتى پوليتسيا باستىعى سونىمەن بىرگە پوليتسيا كوپ جاعدايدا كەشىكپەۋگە كۇش سالاتىنىن ايتىپ ءوتتى.

«بىزدە جەكە قۇرامدا جەتىسپەۋشىلىك سەزىلەدى. سەبەبى، كۇنىنە 1200-1500 قوڭىراۋ كەلىپ تۇسەدى. ءتارتىپ ساقشىلارى بارىنشا ۋاقتىلى جەتۋگە تىرىسادى. ۋاقتىلى جەتپەگەندەر بولسا ءبىز اربىرەۋى بويىنشا جەكە ءىس جۇرگىزەتىن بولامىز. ەگەر بۇل باعىتتا قۇقىق قورعاۋشىنىڭ كىناسى انىقتالىپ جاتسا، وعان قاتىستى تارتىپتىك جازا قولدانىلاتىن بولادى»، - دەيدى باقىتجان مالىبايەۆ.

اۆتور: ايان بەكەن ۇلى