16:16, 02 - قازان 2017 | GMT +6
ت م د ەلدەرىنىڭ باسشىلارى سوچيدە باس قوسادى
استانا. قازاقپارات - 2017-جىلعى 11- قازاندا سوچي قالاسىندا تاۋەلسىز مەملەكەتتەر دوستاستىعى ەلدەرى باسشىلارىنىڭ كەزەكتى وتىرىسى وتەدى، دەپ حابارلايدى «قازاقپارات» ح ا ا ت م د اتقارۋ كوميتەتىنە سىلتەمە جاساپ.
وتىرىس بارىسىندا دوستاستىق ەلدەرى قىزمەتىنىڭ ەكونوميكالىق، ساياسي، مادەني-گۋمانيتارلىق سالالارىنىڭ الداعى ۋاقىتتاعى دامۋ باعىتتارىن كوزدەيتىن ماسەلەلەر تالقىلانباق.
تاۋەلسىز مەملەكەتتەر دوستاستىعى اياسىندا ىنتىماقتاستىق جايلى پىكىرلەر الماسىلىپ، ت م د ءتوراعالىعى جانە ۇيىمعا مۇشە ەلدەرى باسشىلارى كەڭەسىنىڭ كەلەسى وتىرىسىنىڭ مەرزىمى مەن وتكىزىلەتىن جەرى انىقتالماق.
كەڭەيتىلگەن وتىرىستا ەكونوميكا جانە مادەني-گۋمانيتارلىق باعىتتاردىڭ الداعى دامۋى، قورعانىس ساياساتى، سىرتقى شەكارا قورعانىسى، لاڭكەستىككە قارسى ءىس-قيمىل سىندى ماڭىزدى ماسەلەلەر، سونداي-اق، دوستاستىقتىڭ جاڭا جاعدايلارعا بەيىمدەلۋى سىندى ءبىرقاتار جوبالار دا تالقىلانادى دەپ جوسپارلانۋدا.
