قازاقستاننىڭ ءۇش وبلىسىندا ەسكەرتۋ جاريالاندى

استانا. قازاقپارات - قازاقستاننىڭ ءۇش وبلىسىندا اۋا رايىنا قاتىستى ەسكەرتۋ جاريالاندى.

بۇل جايلى «قازگيدرومەت» ر م ك حابارلايدى.

«بۇگىن تۇندە جانە 3- قازان كۇنى تاڭەرتەڭ وڭتۇستىك قازاقستان وبلىسىنىڭ كەي جەرلەرىندە نوسەر جاڭبىر كۇتىلەدى، كەي جەرلەردە سولتۇستىك-باتىستان سوققان جەلدىڭ جىلدامدىعى 15-20 م/س- قا دەيىن جەتەدى»، - دەلىنگەن حابارلامادا.

بۇدان تىس، قوستاناي وبلىسىنىڭ كەي جەرلەرىندە كوكتايعاق بولىپ، تۇمان ءتۇسۋى كۇتىلۋدە، جەل سەكۋندىنا 15-20 مەتر جىلدامدىقپەن سوعادى. شىعىس قازاقستان وبلىسىنىڭ كەي جەرلەرىندە وڭتۇستىك-باتىستان سوققان جەل سەكۋندىنا 15-20 م جىلدامدىقپەن سوعادى، ەكپىنى 25 م/س- قا دەيىن جەتەتىنى كۇتىلۋدە.