دۋبايدا الەمدەگى ەڭ ۇلكەن فوتورامكا اشىلادى
2013 -جىلى باستالعان جوبانىڭ قۇنى - 43, 6 ميلليون دوللار. دۋبايدىڭ كورىكتى جەرلەرىنىڭ قاتارىن تولىقتىراتىن فوتورامكا رەسمي تۇردە 2015 -جىلى اشىلۋى ءتيىس ەدى، الايدا قاجەتتى قۇرىلىس ماتەريالدارىنىڭ جەتپەۋىنەن كەيىنگە شەگەرىلگەن.
رامكانىڭ بيىكتىگى - 150 مەتر، ەنى - 93 مەتر. ءپىشىنى جاعىنان سۋرەت قوياتىن رامكاعا ۇقسايتىن نىسان Zabeel Park ساياباعىندا ورنالاسقان. فوتورامكانىڭ ءبىر جاعىنان قازىرگى دۋباي كورىنسە، قارسى جاعىنان ەسكى شاھاردى تاماشالاۋعا مۇمكىندىك بار.
عيماراتتىڭ ءبىرىنشى قاباتىندا مۋزەي مەن كورمە زالى اشىلادى. سونداي- اق جوعارعى قاباتقا كوتەرىلۋ ءۇشىن پانورامالى ليفت جۇمىس ىستەيدى. قۇرىلىس كەزىندە پايدالانىلعان ماتەريالدار تۇتانبايدى جانە قاۋىپسىزدىك ستاندارتتارىنا ساي كەلەدى.
«فوتورامكا قاراشا ايىندا اشىلادى. بيلەتتى ۇيالى تەلەفونداعى قوسىمشا ارقىلى ساتىپ الۋعا بولادى» ، - دەپ مالىمدەدى مۋنيتسيپاليتەتتەن.
بيلەتتىڭ قانشا تۇراتىنى حابارلانباعان.
Baq.kz
