تانىمال وتاندىق ءانشى كۇيەۋىنە ەكىنشى ايەل الىپ بەردى

استانا. قازاقپارات - ءانشى مايرا ءىلياسوۆا جۇبايىنا ەكىنشى جار الىپ بەرگەنىن ايتتى. Zhuldyz.tv ارناسىنىڭ «سەنبىلىك سەرۋەن» باعدارلاماسىنا سۇحبات بەرگەن ءارتىس ارالارىندا ءبىر عانا بالا بولعاندىقتان، جارىنىڭ ەكىنشى جار الۋىنا، ءوزى اتسالىسقانىن ايتتى.
None
None

«مەنىڭ جولداسىم وتە جاقسى ازامات. ءبىزدىڭ ورتامىزدا ءبىر عانا قىز بولدى، سوسىن مەن قىزىم جالعىز بولماسىن دەپ، ريزاشىلىعىمدى بەردىم. قالىڭدىق ىزدەگەندە اپكەمنىڭ قىزدارىنىڭ دوستارىمەن ءوزىمىز تانىستىردىق. بۇگىندە ولار تاماشا وتباسى بولىپ وتىر، ارالاسىپ تۇرامىز. نەمەرەلەرىمىزبەن ءبىر - بىرىمىزگە ءشاي ىشۋگە بارىپ تۇرامىز، وتە تاماشا قىزعا ۇيلەندى»، - دەيدى ءانشى.

سونداي- اق، ول جارىن ءوز ەركىمەن جىبەرگەنىمەن، ءبىر - بىرىمەن ءالى كۇنگە دەيىن ارالاسىپ تۇراتىندارىن ايتتى.

«قىزىم توعجان اكەسىنەن الىستاپ كەتپەسىن، كۇيزەلىس بولماسىن دەپ، ءبىز بىردەن تاتۋ جۇردىك. ۇرىس- كەرىس بولعان ەمەس، سودان جامان بولدىق پا؟! توعجاننىڭ باۋىرى بار. بىزدە تۇرمىسقا شىقپاعان قىزدار كوپ قوي، مەنىڭ بۇل اڭگىمەمدى ايەل جولداستار جاقسى قابىلداماۋى مۇمكىن. «مايرا كەرەك بولسا ەكى- ءۇش ايەلدى ءوزى اپەرسىن» دەپ. مەن ەكىنشى وتباسىنا رۇقسات بەرىپ، اتسالىستىم. كەيبىر اقىلدى ايەلدەر ۇل بولماعان كەزدە، بالا بولماعان كەزدە رۇقسات بەرىپ جاتادى. ونداي ايەلدەر ارينە اقىلدى. قىز كەزىنەن قوسىلعان جارىن كىم قيادى، ءار ايەلدىڭ ءوزىنىڭ جان سىرى، اقىلى بار»، - دەيدى مايرا ءىلياسوۆا.

ءبىرىنشى جارىنا ەكىنشى ايەلدى ءوزى تاڭداعانىمەن، مايرا ءىليا قىزى ءوزى ەكىنشى رەت وتباسىن قۇرۋدى ويلاماعانىن جەتكىزدى.

 «ءوز باسىم ەكىنشى رەت تۇرمىس قۇراتىن ويىم جوق. ءبىرىنشى جۇبايىم قازىر ماعان تۋعان باۋىرىم سياقتى. كەيبىرەۋلەر ءبىزدىڭ تۋىس سياقتى ارالاسىپ جۇرگەنىمىزگە تاڭعالادى»، - دەدى ول.

سوڭعى جاڭالىقتار