ءمادي رىمبايەۆ العاشقى ءانىن ۇسىنسا دا، شوۋ بيزنەستى شۋلاتىپ ۇلگەردى

ءمادي العاشقى ءانىن ۇسىنسا دا، شوۋ بيزنەستى شۋلاتىپ ۇلگەردى. كوپشىلىك ونى اناسىنىڭ تەگىن العانى ءۇشىن سىناپ جاتىر.
بۇل تۋرالى استانا ارناسىنىڭ «ەل اۋزىندا» باعدارلاماسىندا ايتىلدى.
ءالي وقاپوۆتىڭ تۋعان ءىنىسى ۇلكەن شوۋ بيزنەسكە ءمادي رىمبايەۆ بولىپ كەلدى. كوپشىلىك ونى اناسىنىڭ تەگىن العانى ءۇشىن سىناپ جاتىر. بۇل سىني پىكىرلەرگە جاس جۇلدىزدىڭ ايتارى بار ەكەن. «بىرىنشىدەن، ءالي وقاپوۆتىڭ اكەمىزدىڭ جولىن جالعاستىرىپ جۇرگەنىن ايتقىم كەلەدى. ال مەن انامنىڭ جولىن جالعاستىرماقپىن. ونىڭ ۇستىنە ءالي اكەمىزگە، مەن اناما كوبىرەك ۇقسايمىن. كەلبەتىم دە، مىنەزىم دە اناما تارتقان. اكەمىز ءتىرى بولسا، مەنىڭ رىمبايەۆ دەگەن تەگىمە قارسى بولماس ەدى دەپ ويلايمىن»، - دەيدى ول.
مۇنىمەن قاتار، ءمادي اعاسىمەن وتە جاقسى قارىم-قاتىناستا ەكەنىن، ءاردايىم ونىڭ سوزدەرىنە قۇلاق اساتىنىن ايتىپ بەردى.
«ومىردە ۇلگى تۇتاتىن ادامدارىم - انام مەن اعام. ولاردىڭ دەڭگەيىنە جەتۋىم ءۇشىن كوپ ۋاقىت قاجەت. ءبىراق، جەتۋگە ءاردايىم تىرىسامىن. اعام سىن ايتقان كەزدە رەنجىمەيمىن. ويتكەنى، ول ءادىل ايتادى. ونىڭ تاجىريبەسى مەنىكىنەن كوبىرەك. كوبىنەسە اقىلىنا قۇلاق اسۋعا تىرىسامىن. ءبىراق، قازىر ءانىم دايىن بولعان كەزدە عانا تىڭداتاتىن بولدىم. تولىق دايىندىق بولماسا، ءىسىمنىڭ ناتيجەسىن كورسەتۋگە ۇيالامىن. اپتاسىنا ءۇش-ءتورت رەت مىندەتتى تۇردە ۇيگە كەلەدى. تاماق ءىشىپ، قالىمىزدى سۇراپ، قوناق بولىپ قايتادى. كەيىن جۇمىستارىمەن كەتەدى. مەن دە اراسىندا ونىڭ ۇيىنە بارىپ تۇرامىن. ويتكەنى، ونىڭ ءۇيىن ءاردايىم تازالاپ وتىرۋ قاجەت. ءوزىنىڭ قولى تيمەيدى. جۇمىستارى تىم كوپ»، - دەيدى ول.