قاز ۇ ۋ جوبالارى شاڭحاي يننوۆاتسيالىق فورۋمىندا كورسەتىلدى
شارادا ا ق ش، ۇلى بريتانيا، سينگاپۋر، وڭتۇستىك كورەيا، قازاقستان، گەرمانيا، دانيا، اۋستراليا، شۆەتسيا، فرانسيا سەكىلدى الەمنىڭ 20 ەلىنەن كەلگەن بەلگىلى عالىمدار مەن ساراپشىلار، مەملەكەتتىك قايراتكەرلەر مەن ساياساتكەرلەر، كاسىپكەرلەر باس قوستى.
2008 -جىلدان بەرى وتكىزىلەتىن ايتۋلى فورۋمدا قازۇۋ رەكتورىنىڭ «بىرىككەن عىلىم- ءبىلىم جوبالار - «ءبىر بەلدەۋ، ءبىر جول» باستاماسىن دامىتۋدىڭ نەگىزى» اتتى بايانداماسى قىزۋ تالقىلاندى.
اكادەميك ءوز بايانداماسىندا ۋنيۆەرسيتەتتىڭ مەملەكەت باسشىسىنىڭ «قازاقستاننىڭ ءۇشىنشى رۋحاني جاڭعىرۋى: جاھاندىق باسەكەگە قابىلەتتىلىك» جولداۋىندا قويىلعان مىندەتتەردى جۇزەگە اسىرۋعا باعىتتالعان جوبالارى تۋرالى ايتا كەلىپ، عىلىمي- يننوۆاتسيالىق جوبالاردى بىرىگە جۇزەگە اسىرۋ مەن IT تەحنولوگيالار سالاسىنداعى ىنتىماقتاستىق جاڭا جىبەك جولىن دامىتۋدا ماڭىزدى ورىن يەلەنەتىنىن تىلگە تيەك ەتتى.
«پرەزيدەنت نۇرسۇلتان نازاربايەۆتىڭ يدەياسىن جۇزەگە اسىرۋ اياسىندا قاز ۇ ۋ «جاڭا جىبەك جولى ۋنيۆەرسيتەتتەرىنىڭ اليانسىنىڭ» حالىقارالىق IT تەحنوپاركىن قۇرۋ باستاماسىن كوتەردى. ول IT تەحنولوگيالارعا كاسىپكەرلەر مەن ينۆەستورلاردى تارتا وتىرىپ، وسى سالانى دامىتۋدىڭ باستى درايۆەرىنە اينالۋى ءتيىس»، - دەدى ول.
قازىرگى كەزدە قازاقستاننىڭ قىتايداعى ەلشىلىگىنىڭ قولداۋىمەن قاز ۇ ۋ- دا ق ح ر عىلىم اكادەمياسىنىڭ قاشىقتىقتان باقىلاۋ جانە سيفرلى جەر ينستيتۋتىمەن (RADI) ىنتىماقتاستىقتا عىلىمي- زەرتتەۋ ورتالىعى قۇرىلۋدا. ورتالىق قورشاعان ورتانى، تابيعات رەسۋرستارىن، اۋىل شارۋاشىلىعىن، توتەنشە جاعدايلاردى جىلدام باقىلاۋعا جاعداي جاسايدى، سونداي-اق «عارىشتىق تەحنيكا جانە تەحنولوگيا» ماماندىعى بويىنشا ءبىلىم الىپ جاتقان ستۋدەنتتەر ءۇشىن عىلىمي پراكتيكالىق بازا قىزمەتىن اتقارادى.
