اقتوبەدە قارتتار ءۇيىنىڭ تۇرعىندارىن بىلىكتى دارىگەرلەر مەديتسينالىق تەكسەرۋدەن وتكىزدى - فوتو

اقتوبە. قازاقپارات - اقتوبەدەگى قارتتار مەن مۇگەدەكتەر ءۇيىنىڭ تۇرعىندارى نەۆروپاتولوگ، كارديولوگ، كوز دارىگەرلەرىنىڭ قابىلداۋىندا بولدى، دەپ حابارلايدى قازاقپارات ءتىلشىسى.
None
None

اقتوبەدەگى قارتتار مەن مۇگەدەكتەر ءۇيىنىڭ تۇرعىندارىن مارات وسپانوۆ اتىنداعى باتىس قازاقستان مەملەكەتتىك مەديتسينالىق ۋنيۆەرسيتەتىنىڭ پروفەسسورلارى قابىلدادى. كوز دارىگەرى مەن نيەۆروپاتولوگقا، كارديولوگ دارىگەرلەرىنە قارالعان قاريالار وتە كوپ. ولاردىڭ انىقتامالىق كىتاپشاسى ارنايى الىنىپ، ناۋقاستىڭ تاريحى قارالىپ، دارىگەرلەر كەڭەستەر بەردى.

 null

«قارتتار ۇيىندەگى ەمحانادا دارىگەرلەر بار. ءبىز تەكسەرۋ جۇرگىزىپ، قاجەت كەزدە قالا ىشىندەگى دارىگەرلەردىڭ قابىلداۋىنا اپارامىز. پورتال ارقىلى اۋرۋحاناعا جاتادى، ەم قابىلدايدى. ەگەر وقىس جاعداي بولسا، جەدەل جاردەم شاقىرامىز. قارتتار ءۇيىنىڭ تۇرعىندارى ءۇشىن مۇنداي مەديتسينالىق تەكسەرۋ وتە پايدالى. بىلىكتى دارىگەرلەر مەن مەديتسينا عىلىمدارىنىڭ دوكتور، پروفەسسورلارىنا بارۋ، قابىلداۋىنا كىرۋ قيىن، كەيدە مۇمكىن ەمەس. سوندىقتان ءبىز وسى ءساتتى ءتيىمدى پايدالانىپ، تۇرعىنداردىڭ شاعىمىمەن ناقتى دياگنوزىن ءبىلىپ الامىز»، - دەدى قارتتار ءۇيىنىڭ دارىگەرى گۇلميرا ماحامبەت. ونىڭ ايتۋىنشا، مۇندا جۇرەك- قان تامىرلارى اۋرۋى، كوز، بۋىن اۋرۋلارى ءجيى كەزدەسەدى.

«دارىگەرلەر كەلىپ، ەم جۇرگىزىپ جاتىر. بۇل وتە ءساتتى بولدى. مەنىڭ كوزىم اۋىرادى، باۋىنىم سىرقىرايدى. كەڭەس بەرىلدى. ءوزىم قارتتار ۇيىنە 8-اي بۇرىن كەلدىم. اقتوبە وبلىسى ايتەكە بي اۋدانىنىڭ ورتالىعىندا تۇردىم. زەينەتكە شىقتىم، جالعىز قالدىم. ءومىر بويى جۇرگىزۋشى بولىپ، تىنباي ەڭبەك ەتتىم. ال قازىر تاعدىردىڭ جازۋىمەن قارتتار ءۇيىن پانالاپ وتىرمىن. ءبارى ۇنايدى، كۇتىمىمىز جاقسى»، - دەدى ساعىنعالي ءابۋوۆ. ول الداعى كۇندەرى جۇمىس ىستەپ، اۋلا سىپارىپ، كومەك كورسەتۋدى ءجون كورەدى. ءوزى جاس كەزىندە جەڭىل اتلەتيكامەن شۇعىلدانعان. جاتتىعۋ زالىنا بارىپ تۇرادى. ۆەلوسيپەد ءمىنىپ، شاڭعى تەپكەندى ۇناتادى.

 null

«نۇر وتان» پارتياسىنىڭ اقتوبە وبلىستىق فيليالى «ارداگەرلەردى ارداقتايىق» جوباسى اياسىندا دارىگەرلەردىڭ قابىلداۋىن ۇيىمداستىرىپ، كەيىن «جاس وتان» جاستار قاناتى كونتسەرت قويدى.

«اقتوبەدە «قارتتارىم، امان- ساۋمىسىڭ» اكسياسى ءوتىپ جاتىر. ءبىز زەينەتكەرلەرگە، سوعىس ارداگەرلەرىنە كومەك كورسەتىپ، اۋلا ءىشىن تازالاۋعا، ءۇي شارۋاشىلىعىنا كومەك كورسەتەمىز. بۇل جاستارعا ۇلگى بولارلىق ءىس. ءبىز ءاردايىم قارتتارىمىزعا قۇرمەت كورسەتۋىمىز كەرەك. ولاردىڭ ءارقايسىسى ەل دامۋىنا ۇلەس قوسىپ، ءوز زامانىندا ەڭبەك ەتتى، ءبىزدى بۇگىنگى كۇنگە جەتكىزدى. جاستار ءوز العىسىن قامقورلىعىمەن جەتكىزىپ جاتىر»، - دەدى «جاس وتان» جاستار قاناتىنىڭ اقتوبە وبلىستىق فيليال ءتوراعاسى اسىلجان بۇركىتالين.

 null

سوڭعى جاڭالىقتار